Hugur - 01.01.1994, Blaðsíða 122

120
Ritfregnir
HUGUR
William K. Clifford og William James: „Rétturinn til sannfæringar" eftir
Clifford í þýðingu Þórðar Kristinssonar, og „Trúarvilji" eftir James í þýðingu
Sig. Kristófers Péturssonar og Sigurðar Nordals. Hinar greinarnar eru flestar
að stofni til erindi flutt á málþingum Siðfræðistofnunar: „Að kenna dygð“
eftir Kristján Kristjánsson, „Hver er hinn sanni heirnur?" eftir Pál Skúlason,
„Á ég að gæta bróður míns?“ eftir Björn Björnsson, „Lífsskoðun fjölhyggju-
manns“ eftir Róbert Haraldsson, „Skyldur og ábyrgð starfsstétta" eftir Sigurð
Kristinsson, „Sjálfræði" eftir Guðmund H. Frfmannsson, „Samviskan" eftir
Atla Harðarson, „Fóstureyðingarvandinn" eftir Vilhjálm Árnason.
Sigurbjörn Einarsson, Guðrún Kvaran, Gunnlaugur Ingólfsson,
umsjón með útgáfu: íslensk Hómilíubók. Reykjavík: Hið
íslenska bókmenntafélag, 1993. 304 bls.
Hómilíubókin íslenska er meðal elstu rita á norrænni tungu sem þekkt eru og
birtist nú í aðgengilegri útgáfu þar sem búið er að færa texta bókarinnar til
nútíma stafsetningar. Bókin hefur að geyma fornar ræður, fræðslugreinar og
bænir sem álitið er að ritaðar hafi verið um aldamótin 1200, en hafa þrátt fyrir
það aldrei verið prentuð áður á íslandi. Öllu áhugafólki um hugsun á íslenska
tungu er fengur að þessu riti. Bókinni er fylgt úr hlaði með formála þeirra sem
höfðu umsjón með útgáfunni.
Vilhjálmur Árnason: Siðfrœði lífs og dauða. Reykjavík:
Rannsóknastofnun í siðfræði/Háskóli íslands, 1993. 325 bls.
Hér er á ferðinni afrakstur Vilhjálms af nokkurra ára rannsóknum, kennslu og
fyrirlestrahaldi um þetta efni. Bókin er bæði ítarleg og um leið þannig unnin
að hún er aðgengileg áhugafólki um siðferðismál. Hún skiptist í 6 kafla. í
fyrstu tveim köflunum sem heita Siðfræði heilbrigðisþjónustu og Samskipti
sjúklinga og heilbrigðisstétta er fjallað um tengsl sjúklinga og hcilbrigðisstétta
og því er haldið fram að virðing fyrir manneskjunni verði að vera það sem
þessi samskipti byggi á. Þriðji kafli fjallar um ákvarðanir um rannsóknir og
meðferð og þær siðareglur sem ber að taka mið af. Fjórði kafli heitir Líkn og
dauði og þar er fjallað um ýmis þau álitamál sem tengjast dauðanum. Fimmti
kafli fjallar síðan um ýmis siðferði leg álitamál sem vakna við upphaf lífs. Þar
er einnig fjallað um deilur um fóstureyðingar og frjóvgunartækni. í síðasta
kafla bókarinnar ræðir Vilhjálmur ákvarðanir um mótun skynsamlegrar
heilbrigðisstefnu og leitast við að svara því hvað sé góð og réttlát
heilbrigðisþjónusta.