Hugur - 01.01.1994, Side 125

HUGUR
Skýrsla stjórnar
123
eftir Ágúst Hjört Ingþórsson. Loks birtust tveir ritdómar eftir Skúla
Sigurðsson. - Nokkuð var um að félagsmenn vitjuðu ekki ritsins.
Líkast til stafaði þetta af því að félagsmenn hafa ekki hirt um að
tilkynna breytt heimilisföng. Voru þeir beðnir um að hafa félagið í
huga næst þegar þeir ilyttu sig um set.
I júní átti félagið hlutdeild að undirbúningi þess að bandaríski
heimspekingurinn Matthew Lipman, frumkvöðull barnaheimspek-
innar, hélt tvo fyrirlestra hér á landi, þó að fyrirlestrarnir væru ekki
haldnir á vegum félagsins. Sunnudaginn 21. júní 1992 hélt Lipman
fyrirlestur í Odda á vegum Siðfræðistofnunar og Endurmenntunar-
deildar Kennaraháskólans og fjallaði hann um siðfræðikennslu á
grunn- og framhaldsskólastigi. Þriðjudaginn 23. júní hélt hann annan
fyrirlestur í Odda á vegum Heimspekiskólans í samvinnu við
Heimspekistofnun. Sá fyrirlestur fjallaði um þjálfun og uppbyggingu
dómgreindarinnar. Félagsmenn í Félagi áhugamanna um heimspeki
voru hvattir til að láta þessa fyrirlestra ekki fram hjá sér fara.
Sunnudaginn 6. september 1992 hélt kanadíski heimspekingurinn
Thomas Robinson, prófessor við háskólann í Toronto, fyrirlestur á
vegum Félags áhugamanna um heimspeki og Heimspekideildar.
Fyrirlesturinn nefndist: „Plato on Psycho-Somatic Disorders".
Thomas Robinson hefur einkum sérhæft sig í heimspeki fornaldar og
hefur gefið út fjölda bóka um þau efni.
Laugardaginn 12. september 1992 hélt Atli Harðarson fyrirlestur á
vegum félagsins sem nefndist: „Er fullveldi einhvers virði?“ Þetta
málefni var mjög ofarlega á baugi um þessar mundir vegna umræðu
um aðild Islands að evrópska efnahagssvæðinu. Ástæðulaust þótti að
áhugamenn um heimspeki létu það fram hjá sér fara. Erindi Atla
birtist skömmu síðar í Lesbók Morgunblaðsins.
Sunnudaginn 29. nóvember 1992 hélt Þorsteinn Siglaugsson fyrir-
lestur í Lögbergi. Nefndist fyrirlesturinn „Rök og rökleysa“ og fjallaði
um kenningar rússneska heimspekingsins Levs Séstof. Þorsteinn lauk
BA prófi í heimspeki frá Háskóla íslands vorið 1992 og nefndist
lokaritgerð hans: „Heimur mannsins. Samanburður á kenningu
Immanuels Kant og Levs Séstof.“
í lok desember 1992 kom svo út 5. árgangur af tímariti félagsins
(1992). Var þar með komin regla á útgáfu ritsins. Ritstjóri var Ágúst
Hjörtur Ingþórsson. Hugur var að þessu sinni helgaður heimspeki-