Uppeldi og menntun - 01.01.2007, Blaðsíða 18

18
Annar þolandi eineltis, Anna, talaði um að bloggsíðurnar væru endalausar og opnar
fyrir öllum og fólk væri jafnvel að segja þar mjög klúra hluti sem gætu verið niður-
lægjandi fyrir viðkomandi. Fólk verður þannig í raun mjög varnarlaust og þetta er
viðkvæmt mál og lítið sem þolandinn getur gert, þetta er eitthvað sem allir sjá. Anna
sagði að í hennar tilfelli hefði gerandinn talað um að hún hataði stelpu í skólanum á
bloggsíðunni og þá verið að tala um sig og á síðunni hefði staðið: ,,Og ég vona að hún
eigi mjög kvalafullan dauðdaga og brenni í eldum helvítis.“
Höfnun og hunsun getur einnig komið fram með aðstoð tækninnar. Nína, sem
hefur reynt mikið að berjast fyrir tilvist sinni í vinkvennahópnum, upplifði höfnun í
gegnum bloggsíðu. Hún sagði:
Bloggsíður eru skelfilegar. Það er bara, þú veist … kannski verið að tala um
hvað þú gerðir um helgina [vinkonan] og, þú veist … hverja hún hitti og
hverra hún saknaði, sem hún hitti ekki. Þá er ég aldrei talin með. Og mér
finnst það alveg … það er ein stelpa þarna í hópnum sem er eiginlega bara
besta vinkona mín, við erum oft saman eftir skóla. Og hún fær alltaf far hjá
mér í skólann og úr skólanum … og hún kannski minntist ekkert á mig, þó
hún hefði ekki hitt mig. Þá minntist hún ekki á að hún hefði saknað mín.
Það tók ég ótrúlega mikið nærri mér.
Farsíminn var einnig mikið notaður til að áreita fólk, þá bæði í formi SMS-skilaboða
og upphringinga. Allar stúlkurnar höfðu orðið fyrir slíku einelti. Tvær fengu beinlínis
hótanir sendar í formi SMS-skilaboða þar sem þeim var sagt að þær gætu haft verra af
ef þær gerðu ekki ákveðna hluti. Dagný sagði:
Um helgina voru þær að senda mér einhver svona SMS og svona eitthvað
svona ljótt sko … að ég ætti að koma og sækja dótið, annars yrði eitthvað
sko … slæmt mundi gerast.
Tæknileg birtingarmynd eineltis er hafin yfir tíma og rúm. Þolandinn er algjörlega
varnarlaus og getur fengið skilaboð hvar sem er og hvenær sem er (Roland og Aue-
stad, 2005). Ein stúlkan fékk til dæmis hótun í formi SMS-skilaboða þegar hún sat eitt
sinn við kvöldverðarborðið með fjölskyldunni. Skilaboðin voru send af siminn.is og
engin undirskrift en samt sagðist hún vita hver sendandinn var. Harpa hafði einnig
orðið fyrir mjög grófum SMS-sendingum í símanum á skólatíma, svo sem ,,fuck you“
og fleira enn verra. Eygló sagðist hafa orðið fyrir illu umtali á bloggsíðum en þó eink-
um orðið fyrir upphringingum úr farsímanum. Stelpurnar (gerendurnir) höfðu fengið
vini sína til þess að hringja í hana og úthúða henni og svo var hún farin að þekkja
númerin sem voru alltaf að hringja í hana. Það var svo Nína sem fékk SMS-skilaboð
klukkan fjögur að nóttu um að vinkonurnar væru farnar í ferðalagið sem hún ætlaði
að fara með þeim í morguninn eftir.
Þær höfðu bara tekið skyndiákvörðun og farið um nóttina og keyrt út á
land. Þá var ég ein eftir í bænum … og ég var alveg sko … foreldrar mínir
voru á leiðinni annað út á land og ég ætlaði ekkert með þeim. Þau voru
farin, því ég ætlaði með stelpunum og allt í einu var ég bara orðin ein þarna
,,HÆGIST MEIN ÞÁ UM ER RÆTT“