Uppeldi og menntun - 01.01.2007, Blaðsíða 39

39
Upphafsmat: Haustið 2002 lagði aðgerðahópur mat á samstarf Oddeyrarskóla
við fjölskyldur eins og það var á þeim tíma. Matslisti samstarfsáætlunar Ep-
stein o.fl. (2002) var þýddur og aðlagaður. Með honum var mat lagt á samstarf
skólans við heimili í öllum árgöngum og út frá sviðunum sex: uppeldi, sam-
skiptum, heimanámi, sjálfboðavinnu og ákvarðanatöku. Ýmis skrifleg gögn
sem til voru í skólanum voru auk þess notuð við greiningu á samstarfi skólans
í upphafi og einnig síðar í rannsókninni. Þar má m.a. nefna fundargerðir, for-
eldrakönnun skóladeildar Akureyrarbæjar frá 2000–2001, ýmis gögn um for-
eldrasamstarf, skólanámskrá, fréttabréf skólans o.fl.
Verkefnavinna kennara og foreldra: Verkefni og spurningar sem tengdust við-
fangsefninu voru lögð fyrir alla kennara, foreldra í ákveðnum bekkjardeildum
og aðgerðahóp á rannsóknartímanum. Sem dæmi unnu kennarar í hópavinnu
verkefni um árangursríkar samstarfsaðgerðir, hvernig hugsanlega væri hægt
að yfirvinna hindranir í samstarfinu o.fl. Foreldrar nemenda á unglingastiginu
tóku þátt í hópavinnu á fundum skólans og svöruðu spurningalistum.
Viðtöl: Tekin voru 12 viðtöl við 14 viðmælendur á tímabilinu 2003–2004. Viðmæl-
endur voru fjórir foreldrar, sex kennarar, tveir nemendur og skólastjórnendur.
Viðmælendur voru valdir með hentugleikaúrtaki. Leitað var að viðmælendum
sem voru tilbúnir að miðla af reynslu sinni og höfðu áhuga á málaflokknum.
Viðtölin voru óformleg og hálfopin. Spurningarnar tóku til ýmissa þátta sam-
starfs skóla og heimila. Viðtölin voru vélrituð frá orði til orðs, greind og flokk-
uð í þemu með tölvuforritinu NVivo.
Spurningalistar: Til að öðlast heildarsýn yfir skoðanir og almenn viðhorf þátt-
takenda voru tveir spurningalistar lagðir fyrir vorið 2004 í lokamati á þróun-
arverkefninu. Annar listinn var lagður fyrir alla kennara skólans, alls 21, en
hinn var sendur fjölskyldum allra nemenda við skólann, 210 talsins. Einn
spurningalisti var sendur fyrir hvern nemanda. Svör bárust frá 146 heimilum
sem var 70% svörun. Spurningar voru bæði opnar og lokaðar.
Mat á vinnu aðgerðahóps: Aðgerðahópurinn lagði mat á starf sitt þrisvar sinnum
á rannsóknartímabilinu.
Skýrslugerð: Kennarar tóku saman skýrslu um þróunarverkefnið vorið 2003
(Rannveig Sigurðardóttir, Helga Hauksdóttir, Svanhildur Daníelsdóttir og
María Aðalsteinsdóttir, 2003) og auk þess gerðu tveir kennarar 1. bekkjar
skýrslu um samstarf sitt við foreldra.
Búin voru til eyðublöð til að gefa yfirlit yfir aðgerðir og til að draga saman þau gögn
sem safnað var (Gall, Borg og Gall, 1996). Gögn voru flokkuð eftir ákveðnum þemum,
hugtökum, skilgreiningum og efnisþáttum sem lágu til grundvallar hverju sinni og í
samræmi við rannsóknarspurningarnar.
Réttmæti
Starfendarannsóknum er ekki ætlað að skapa algildar lausnir sem hægt sé að
yfirfæra beint yfir á aðrar aðstæður (Jón Baldvin Hannesson o.fl., 2002). Það gerir þessi
ING IB JÖRG AUÐUNSDÓTT IR