Uppeldi og menntun - 01.01.2007, Page 37
37
4. skref – framkvæmdaáætlun: Drög að þriggja ára framkvæmdaáætlun eru
skipulögð og einnig nákvæm framkvæmdaáætlun til eins árs. Drögin eru
lögð fram til umsagnar eins víða og hægt er; fyrir foreldra, kennara, nem-
endaráð, skólanefnd og foreldraráð.
5. skref – áframhaldandi skipulagning framkvæmdaáætlunar: Árlega þarf aðgerða-
hópurinn að yfirfara skipulagið, endurskipuleggja og setja fram nýja áætlun.
Aðgerðahópurinn þarf að svara því hvernig hægt sé að tryggja að sam-
starfsáætlunin þróist að því markmiði að fjölga þeim fjölskyldum sem eru
samstarfsaðilar skólans við menntun og uppeldi nemenda. Lögð er áhersla
á að aðilar geri sér grein fyrir áföngum sem náðst hafa, kynni þá og fagni
þeim (Epstein, 2001).
Skólaþróun og foreldrar
Í umfjöllun um skóla sem ná árangri kemur fram að þátttaka foreldra og tengsl skóla
við samfélagið eru meðal helstu einkenna skilvirkra skóla (Hopkins, 1992; Creemers,
1996; Sammons, 1995; Stoll, 1991). Slíkir skólar byggja upp fjölbreyttar aðferðir til sam-
skipta. Foreldrar og fulltrúar samfélagsins taka þátt í starfi skólans og eiga aðgang að
ákvarðanatöku. Foreldrar eru hluti af mannauði skólans, á þá er treyst í baráttumálum
og þeir eru málsvarar skólans. Gott skólafólk, segir Sergiovanni (2001), tryggir þátt-
töku foreldra í námi barna sinna.
Hugtakið skólaþróun beinir sjónum að framförum í starfi skóla. Hopkins (1992)
segir reynslu og rannsóknir síðasta áratuginn beina athyglinni að þremur meginþátt-
um skólaþróunar:
1. Breytingar felast í því að þróa nýjar aðferðir fremur en einfaldlega að ákveða
að aðlaga sig breytingum.
2. Skólaþróun er vandlega skipulagt og stýrt ferli sem tekur nokkur ár að
koma á. Það er ferli en ekki atburður.
3. Það er mjög erfitt að breyta skólastarfi, jafnvel einni kennslustofu, án þess
að breyta skólanum sem stofnun. Samvinna kennara og skólastjórnenda er
venjulega einnig nauðsynleg (Hopkins, 1992).
Ef mið er tekið af uppbyggingu samstarfsáætlunar Epstein og vinnuferli hennar fellur
hún að meginþáttum skólaþróunar eins og fram kemur hjá Hopkins (1992).
RANNSÓKN OG AÐFERÐ
Sá hluti rannsóknarinnar sem er til umfjöllunar í þessari grein tekur til eftirfarandi
rannsóknarspurninga:
1. Hvernig hentar samstarfsáætlun Joyce L. Epstein (2001) íslenskum grunn-
skóla og hvaða breytingar þarf hugsanlega að gera á henni til að hún nýtist
sem best við aðstæður hér á landi?
ING IB JÖRG AUÐUNSDÓTT IR