Uppeldi og menntun - 01.01.2007, Blaðsíða 43

43
Þátttakendur í aðgerðahópnum lýstu því yfir að upphafsmatinu hefði fylgt
óöryggi og þeir hefðu verið lengi að ná fótfestu í þróunarverkefninu og átta sig á
heildarmyndinni af samstarfi skólans. Einn viðmælandi sagði um upphafsmatið:
Núna að vori þegar maður horfir aftur á bak á þetta þá finnst mér við ekki hafa
getað sleppt því. … Mér fannst við vera dálítið lengi í þessu en núna finnst mér
við ekki geta gert þetta öðruvísi eiginlega … held samt að það hafi verið krít-
iskasti punkturinn.
Sumir sáu strax jákvæðar hliðar upphafsmatsins og annar viðmælandi sagði:
Það sem mér fannst svo spennandi … voru ólíkar skoðanir sem kennarahóp-
urinn hafði. Það kom mér mjög á óvart. En gott að nálgast hlutina á þennan
hátt.
Fram kom í viðtölum kennara að einfalda þyrfti eyðublöð upphafsmats Epstein (2001)
og laga spurningar þess betur að íslensku skólastarfi.
4. skref – framkvæmdaáætlun um samstarf
Þegar búið var að meta samstarf skólans við fjölskyldur, ákvarða hvaða samstarfs-
aðgerðum skólinn ætlaði að halda og hvaða aðgerðir hann legði til hliðar, vann
aðgerðahópurinn drög að þriggja ára framkvæmdaáætlun um samstarf skólans og
foreldra. Aðgerðahópurinn lagði fram þrjár samstarfstillögur á fimm af sviðunum
sex, en aðeins ein tillaga var lögð fram um ákvarðanatöku. Samtals voru tillögurnar
því sextán. Drögin voru lögð fyrir kennarafund, foreldraráð og síðan send öllum
foreldrum og þeir beðnir um að velja sex mikilvægustu samstarfstillögurnar og
forgangsraða þeim. Flestir foreldrar völdu fræðslufund um þroska barna sem fyrsta
valkost. Hagnýt námskeið um námsgreinar og námstækni var annar valkostur.
Á grundvelli þessarar vinnu vann aðgerðahópurinn drög að þriggja ára fram-
kvæmdaáætlun um samstarf skólans og foreldra. Framkvæmdaáætlun var sá þáttur
samstarfsáætlunarinnar sem mest ánægja var með í lokamati kennara.
Á vordögum 2003 var undirbúningsvinnu lokið og framkvæmdin hófst. Tafla 1
sýnir framkvæmdaáætlun Oddeyrarskóla sem lögð var fram vorið 2003 eftir að búið
var að taka tillit til athugasemda kennara og foreldra.
ING IB JÖRG AUÐUNSDÓTT IR