Uppeldi og menntun - 01.01.2007, Blaðsíða 84

84
LÍÐAN KENNARA Í STARFI – VINNUGLEÐI EÐA KULNUN?
Tafla 10 – Afstaða til þess að festa vinnutíma í skólanum.
Afstaða
% Fjöldi
Vel 20 37
Hlutlaus 22 41
Illa 48 91
Aðrar hugmyndir 5 10
179
Spurt var um afstöðu til þeirrar hugmyndar að festa meira vinnutíma kennara í skól-
anum, t.d. kl. 8–17. Nokkuð innan við helmingur kennara reyndist jákvæður eða hlut-
laus og nærri helmingi leist illa á það. Í athugasemdum þeirra kom einkum fram að þá
hefðu þeir ekki þann sveigjanleika í starfi sem aðrar stéttir hefðu. Einnig að ástæða sé
til að skoða hvaða tíma þurfi til að sinna verkefnum sem kennurum séu falin og eftir
það megi skoða meiri bindingu vinnutímans.
Álags- og hvataþættir að mati kennara sjálfra
Kennarar voru beðnir að nefna í forgangsröð tvo þætti sem valda þeim mestu álagi
í starfi og aðra tvo sem hvetja þá mest til starfa. Svörin voru þemagreind og flokkuð
eins og töflur 11 og 12 sýna. Niðurstöður um helstu álagsþætti í starfi eru hér bornar
saman við niðurstöður í rannsókninni 1999.
Tafla 11 – Samanburður á þáttum sem valda álagi í starfi.
2005 1999
% Fjöldi % Fjöldi
Álag/tímaskortur (1999 álag/launakjör) 47 88 45 159
Aga- og hegðunarvandi 32 60 43 149
Erfiðleikar nemenda/úrræðaleysi 26 49
Of stórir bekkir/einstaklingsþarfir 20 38 9 31
Aðstöðuleysi/tækjaskortur 7 26
Foreldrasamstarf 14 26
Flestir nefndu vinnuálag og tímaskort, eða tæplega helmingur, en aðeins sjö nefndu
launakjör. Færri en áður nefndu aga- og hegðunarvandamál, sem voru eigi að síður
umtalsverður álagsþáttur. Kennarar virtust nú í ríkara mæli með hugann við erfiðleika
nemenda, svo sem félagsleg vandamál, fatlanir og hindranir af ýmsum toga. Margir
nefndu að úrræði séu of fá, bæði í skólunum og utan þeirra. Þess konar vandamál
voru lítið nefnd í fyrri rannsókn. Hlutfallslega helmingi fleiri en áður töldu bekki of
stóra, og þeir næðu ekki að sinna þörfum einstakra nemenda eins vel og þeir teldu
nauðsynlegt.