Uppeldi og menntun - 01.01.2007, Blaðsíða 61

61
inn námsferill, sem byggist á því að nemendur hagnýti þekkingu sína úr daglegu lífi
og þá þekkingu sem þeir afla sér í skólanum. Nýsköpunarmennt hefur verið sérstök
námsgrein í Foldaskóla til þessa dags og var skólinn í fararbroddi sem móðurskóli í
námsgreininni. Reynslan sem fékkst af nýsköpunarkennslunni og námsefninu varð
síðan kveikjan að því að nýsköpun og hagnýting þekkingar var sett inn í aðalnámskrá
grunnskóla 1999. Hugsjónir frumkvöðlanna náðu þannig inn í formlega námskrá.
Nýsköpunarmennt í formlegri námskrá
Nýsköpun var tekin inn í aðalnámskrá grunnskóla árið 1999 og komið fyrir í námskrá
um upplýsinga- og tæknimennt. „Ekki er gert ráð fyrir sérstakri tímaúthlutun til grein-
arinnar, heldur er það ákvörðun stjórnenda skóla hvort þeir nýti sér markmiðin sem
þar eru sett fram til að samþætta tækni- og nýsköpunarþætti við aðrar námsgreinar.“
(Aðalnámskrá. Upplýsinga og tæknimennt, 1999, bls. 5). Stungið er upp á þremur leiðum
til að koma nýsköpun fyrir í skólastarfi:
1. að samþætta við tíma annarra greina
2. að nýta eigin ráðstöfunartíma fyrir greinina eða
3. að blanda leið 1 og 2 saman
Einnig er fyrir hendi fjórða leiðin, sem sumir skólar hafa notað, og hún er sú að bjóða
upp á nýsköpunarmennt sem námskeið utan skólatíma og er það þá greitt af sveit-
arfélaginu aukalega (Svanborg R. Jónsdóttir, 2004).
Í aðalnámskránni frá 1999 segir að hún skuli að fullu vera komin til framkvæmda
eigi síðar en þremur árum eftir gildistöku. Í endurskoðuðum drögum að nýrri aðal-
námskrá frá mars 2007 er kaflinn um nýsköpunarmennt nánast óbreyttur (Aðalnám-
skrá grunnskóla. Upplýsinga- og tæknimennt. Drög, 2007).
Framkvæmda námskráin – Niðurstaða spurningakönnunar
Niðurstaða spurningalistans sýndi að formleg4 nýsköpunarkennsla á grunnskóla-
stigi var lítil veturinn 2003–2004 eða í tæplega 10% íslenskra grunnskóla. Svör margra
skólastjórnenda við könnuninni bentu til þess að hugmyndir um greinina væru
óljósar5.
SVANBORG R. JÓNSDÓTTIR
4 Sem sérstök námsgrein á stundaskrá í nokkrar vikur, hluta vetrar eða allan veturinn.
5 Sumir stjórnendur töldu að nýjungar í skólastarfi væru nýsköpunarkennsla.