Morgunn - 01.06.1936, Page 22

16
MORGUNN
mér er kunnugt um, að hann byggir orð sín á reynslu eig-
in og annara. Og hin ummælin, sem eg vildi flytja yður,
eru einmitt eftir einn þeirra, sem hafa fengið að líta hina
ósýnilegu kirkjugesti, unga stúlku, skygna. Hún segir svo:
„Við guðsþjónustu starfa þeir (o: englarnir) mikið.
Þeir fylgjast með hverju smáatriði, sem presturinn segir
og framkvæmir, og fara með miklar og margbreyttar siða-
athafnir í sambandi við það. Það er auðvitað alt undir
prestinum komið, hvernig englarnir geta beitt áhrifum
sínum í ákveðnu starfi, hvernig orkustöðvar þeir geta
bygt upp og hvað sterkar þær geta orðið. — Því fyrst og
fremst þarf að finna samstarf við prestinn, englarnir
móta farveg, bæði fyrir hans persónuleg áhrif og eins
þau áhrif, sem streyma gegn um hann frá æðri verum,
sem aðstoða hann — því í flestum tilfellum er hægra að
veita áhrifum í gegnum prestinn, heldur en senda þau
beint út til safnaðarins, því presturinn er, a. m. k. á þeirri
stundu, sem hann flytur boðskap Krists af brennandi kær-
leika, sannur, hreinn og ojnnn til að taka við áhrifum frá
hátt þroskuðum og göfugum verum. — Og sé svo söfnuð-
urinn í samræmi við prestinn, og opinn til að taka á móti
því, sem hann gefur, er áreiðanlegt, að hver einstakling-
ur fær, með því að fara í kirkju, mikla blessun og styrlc,
til að lifa hinar yndislegu kenningar Krists í daglegu lífi
sínu“. (Lindin 1983, bls. 12).
Finst yður ekki, að sjónhringur yðar víkki við íhug-
un þessara og þvílíkra orða? Finst yður ekki, að tilveran
vaxi að fegurð og mikilleik í augum yðar, þegar yður opn-
ast skilningur á hinu víðtæka samstarfi, sem á sér stað
milli heimanna? Þó er samstarfið áreiðanlega ófullkomið
frá vorri hálfu. Oss skortir bæði skilning og þekkingu til
þess að geta verið fyllilega móttakandi, hvað þá meira. En
öll upplýsing opnar. öll starfsemi, sem miðar að því, að
fræða menn um samhjálpina frá andlega heiminum, hvort
heldur er með beinni fræðslu eða með því að hjálpa mönn-
um til að finna sjálfir samband sitt við hið ósýnilega —