Morgunn - 01.12.1978, Page 60

ÆVAR R. KVARAN:
Krishnamurti.
DÖGUNIN.
Höf. Mary Lutyens.
Þýð. Gisli Ólafsson.
Utg. Bókaútgáfan Þjóðsaga, Reykjavík 1977.
Hér er hún loksins komin ævisaga eins athyglisverðasta og
mesta andans manns 20. aldar, Krishnamurtis: Dögunin. Ég
minnist þess, að Lúðvík heitinn Guðmundsson, stofnandi
Myndlistaskólans, sagði mér eitt sinn frá því, þegar hann
hlustaði á þennan undarlega speking i Þýzkalandi. Hann
kvaðst hafa persónulega hlýtt á ýmsa fræga menn um ævina,
en aldrei neinn sem hefði haft önnur eins áhrif á sig og
Krishnamurti. Hann kvaðst hafa fyllst næstum ómótstæðilegri
löngun til þess að krjúpa við fætur þessa ljómandi manns og
kyssa klæðafald hans. Svo töfrandi og heillandi var persóna
hans. Krishnamurti er enn á lifi á níræðisaldri og er gott til
þess að vita að þessi stórmerka ævisaga hans skuli hafa komið
út meðan hann var enn í fullu fjöri og með samþykki hans,
sökum þess að annars geta slíkar endurminningar orðið mjög
umdeildar hvað snertir sannleiksgildi, ekki sist sökum þess
að þessi óvenjulegi maður hlýtur að teljast meðal hinna miklu
hyltingarmanna heimsins i andlegum viðhorfum. Bylting