Morgunn - 01.12.1978, Page 61

BÆKUR
155
hans var honum gífurlegt átak, sökum þess að hann varð að
hefja þessa byltingu fyrst og fremst gegn þeim, sem hann
unni mest. Að þessu leyti er saga Krishnamurtis alveg einstök
°g sýnir okkur betur en nokkuð annað hve gifurlegt þrek þarf
stundum til þess að fylgja sannleikanum, hvað sem það kostar.
Krishnamurti varð að valda þeim vonbrigðum sem hann átti
allt upp að inna. Fólki eins og Annie Besant, hinum mikil-
hæfa leiðtoga guðspekistefnunnar og dulspekingnum Charles
Webster Leadbeater. En þau hófu hann upp úr sárustu fá-
tækt og armæðu til mennta og göfugs lifs. En það varð hið
beizka hlutskipti hins göfuga Krishnamurtis, sem aldrei
gleymdi þakklæti sínu til þeirra, ást og virðingu, að hafna að
lokum því stórkostlega hlutverki, sem þau höfðu allt frá upp-
hafi ætlað honum, að verða eins konar nýr Kristur. Þessi
ævisaga sýnir Ijóslega hvílík ofurbyrði þetta varð þessum
kærleiksrika manni, sem taldi það skyldu sína að fylgja sann-
leikanum, eins og hann skildi hann, jafnvel þótt það kostaði
að hann kynni með því að særa þá sem verið höfðu honum
bestir og hann unni mest. Á tímabili var hann orðinn svo ör-
vinglaður sökum þessara innri átaka, að hann hugðist draga
sig út úr heiminum og gerast einsetumaður á Indlandi. En
hann stóðst þá freistingu og hefur fram á þennan dag haldið
afram að uppfræða okkur Vesturlandabúa. Og það eru þessar
raunir sem hafa hert eld sálar hans og gert hann að einu
mesta mikilmenni þessarar aldar.
Um nærri hálfrar aldar skeið hefur Krishnamurti ferðast
um heiminn og flutt trúarlegan boðskap sinn og fara áhrif
hans vaxandi með hverju ári, því hann dregur hlustendur að
ser eins og andlegur segull.
Þessi ágæta bók fjallar um æsku hans og fyrstu mann-
dómsár. Rekur þroskaferil hans allt frá þeim tíma, þegar leið-
t°gar Guðspekifélagsins tóku hann upp á sína arma, fjórtán
ara gamlan og hugðust gera hann að nýjum Messíasi, og til
þeirrar örlagastundar þegar hann, þrjntíu og fjögurra ára
gamall sleit öll tengsl sín við þá og leysti upp félagið, sem
stofnað hafði verið til þess að undirbúa komu heimsfræðarans.