Morgunn - 01.12.1978, Page 62

156
MORGUNN
Árið 1922, þegar Krishnamurti var tuttugu og sjö ára, varð
hann fyrir andlegri reynslu, sem gjörbreytti lifi hans og gerði
honum ljóst að hann gæti því aðeins fylgt sannleikanum að
hann væri algjörlega frjáls og óháður. Einn helsti trúnaðar-
vinur Krishnamurtis á þeim árum var lafði Emely Lutyens.
Elún hugðist birta þessar frásagnir og hin mörgu bréf hans
í sjálfsævisögu sinni, Candles in the Sun, en fékk ekki leyfi
til þess þá. Hins vegar birtist þetta hvort tveggja í fyrsta
skipti í þessari ævisögu.
Það eru ekki nema tvö ár síðan þessi bók Mary Lutyens
kom út á ensku og sé bókaútgáfunni Þjóðsögu þökk fyrir að
hafa brugðist svo skjótt við að láta snúa henni á íslenzku. Það
gefur bókinni sérstakt gildi að hún er skrifuð fyrir atbeina
Krishnamurtis sjálfs og með allri þeirri hjálp sem hann gat
í té látið. En þrátt fyrir það hafði höfundur algjörlega frjálsar
hendur. Hún lýsir fyrst og fremst hvernig hæfileikar Krishna-
murtis sem fræðara þróuðust og hinu einstæða afreki hans að
losa sig úr greipum vildarvina sinna, sem ríghéldu í hann í
viðleitni sinni til að fá hann til að taka að sér messíasarhlut-
verkið i hefðbundnum skilningi.
Það sem gerir Mary Lutyens hæfa til þess að skrifa þessa
bók er það, að hún hefur þekkt Krishnamurti síðan 1911. Og
árin 1922 til 1929 átti hún sjálf mikla hlutdeild í þeirri reynslu
sem bókin greinir frá og síðustu þrjú ár þessa tímabils gegndi
hún sérstöku hlutverki í lífi hans.
Þessi bók sem er 420 blaðsíður að stærð er hinn mesti feng-
ur hverjum andlega hugsandi Islendingi. Hún sýnir betur en
flest annað, að vegur sannleikans er ekki neinn greiðvegur á
rósum, heldur þyrnum stráður og freistingum, sem oft er ekki
á færi nema mikilmenna að standast. Þetta er saga byltingar-
manns, sem ekki er ataður blóði meðbræðra sinna, heldur
tekst að gera uppreisn gegn þeim sem hann ann mest án þess
að nokkur blettur falli á kærleika hans til þeirra og virðingu.
Þessi saga er því engri byltingarsögu lík og afarmikilvæg og
lærdómsrík hverjum þeim manni sem lætur sig nokkru skipta
andleg mál og eigin velferð. Ég fagna þessari bók og ráðlegg