Saga - 1955, Blaðsíða 122

198
á prestastefnuna í fyrra lagi til styrktar lút-
erskum mönnum, ef þess gerðist þörf, og ef
til vill einnig til skrafs og ráðagerðar, en síð-
an hefur Daði ætlað til alþingis.
Jón biskup og menn hans tjölduðu fyrir norð-
an garð, þar sem kallað var Fornistöðull, sök-
um þess að hann treysti sér ekki að ríða heim
á staðinn fyrir liðsafla þeim, er þar var. Á
mánudagskvöld og þriðjudagsmorgun hafa
prestar drifið til staðarins hvaðanæva úr bisk-
upsdæminu, bæði kaþólskir og lúterskir og ýms-
ir á báðum áttum. Þó hafa einna flestir verið
kaþólskir. Ekki verður annað séð en þeir hafi
allir fengið að ríða heim á staðinn, þótt ýmsir
þeirra muni hafa haft tal af Jóni biskupi áður
eða eftir. Ekki verður heldur fyrir það tekið,
nema sumir hinna kaþólsku klerka hafi aðal-
lega komið fyrir hvatningu Jóns biskups.
Þriðjudaginn 26. júní mun prestastefnan hafa
verið sett, eins og áður er sagt, að því er virð-
ist í dómkirkjunni, en ekki sést, hver það hef-
ur gert eða hver hefur stýrt henni. Auðvitað
hefur það ekki verið Jón biskup, eins og sumir
hafa ætlað, heldur líklega einhver officialanna.
„Og var lengi, að þeir urðu ekki ásáttir vegna
siðanna", segir síra Jón Egilsson. Af orðum
þeim, sem eignuð eru síra Gísla Jónssyni í
„bannsbréfinu", sést, að hinir kaþólsku klerkar
hafa þegar haldið fram Sigvarði ábóta sem
biskupsefni. Virðast sumir klerkar hins nýja
siðar einnig hafa verið tilleiðanlegir að kjósa
hann, unz síra Gísli kvað upp úr með það, að
hann vildi „aldrei halda rómversk lög né hlýðni
veita þeim biskupi, sem bæri mítur eða væri
munkur“. Þá hafa klerkar gengið í tvo flokka.