Almanak Hins íslenska þjóðvinafélags - 01.01.1956, Page 29

sínu eigin landi. Sennilega hefur þó þetta fremur
orðið til að hvetja baráttuhug hans. Hann hefur verið
hinn mikli prédikari og jafnvel safnað að sér læri-
sveinum, líkt og spámenn i fyrri daga.
Imperial-hótelið í Tokió er sennilega eitt af fræg-
ustu verkum F. L. W. Hússtæðið var hálfþornuð botn-
leðja, þar sem áður hafði verið innsti hluti Tokió-
fjarðarins. Þar var ekkert fast grunnstæði og þvi
neðar sem dró varð leðjan meyrari og svikulli. Auk
þessa var hér um að ræða eitt mesta jarðskjálftaland
jarðarinnar. Timbur- og pappahús Japana stóðu ágæt-
lega á slíkum grunni, en hlutverk F. L. W. var að
byggja margra liæða nýtizku hús úr stáli og steini.
Það kom sér vel, að Wright var afburða verkfræð-
ingur, en það leysti þó ekki allan vandann. Svipmót
hússins mátti ekki særa hinn hárfína og þroskaða
þjóðlega listsmekk. Hús úr svo framandi byggingar-
efnum varð þó aðeins óbeint samræmt japansltri list.
En húsið var reist og þótti takast afburða vel.
Tæplega áratug síðar hrundi Tokióborg í einum
meiri háttar jarðskjálfta sögunnar. Daginn eftir sendu
eigendur hótelsins F. L. W. eftirfarandi skeyti:
Imperial-hótelið stendur óbilað upp úr rústum
Tokió.
Frank Lloyd Wright nýtur nú heiðurs og virðingar
um allan heim. Það eru næstum þrjátíu ár siðan liið
íhaldssama Academie Royale de Beaux Arts í Frakk-
landi gerði hann að heiðursfélaga sinum og sömu
virðingar hefur hann hlotið frá flestum meiri háttar
háskólum og arkitektafélögum annarra þjóða.
2. Le Corbusier.
Charles Edouard Jeanneret, öðru nafni Le Corbusier,
fæddist í La Coux-de-Fonds i franska hlutanum af
Sviss árið 1887. Forfeður hans höfðu verið listmál-"
arar og myndskurðarmenn í marga ættliði og Le
(27)