Almanak Hins íslenska þjóðvinafélags - 01.01.1956, Qupperneq 79

var að byggingu rannsóknastöðvar sjávarútvegsins í
Rvik. Unnið var að byggingu sölustöðvar garðyrkju-
manna í Rvik. Umbætur voru gerðar á Safnahúsinu
i Rvik. Bæjarbókasafn Rvíkur var flutt i ný húsa-
kynni í janúar. Unnið var að umbótum á Stjörnubíói
i Rvík. Miklar umbætur voru gerðar á húsi Reykja-
víkur Apóteks. Nýtt veitingahús, „Naust“, tók til
starfa í Rvik. Ýmsar umbætur voru gerðar á Lands-
smiðjunni í Rvik. Unnið var að íþróttasvæðinu í
Laugardal í Rvík. Mikið var unnið að skrúðgarða-
gerð i Rvík, einkum görðunum við Tjörnina. Stand-
mynd af Skúla Magnússyni landfógeta var komið
fyrir í garðinum við Aðalstræti, og myndastyttan
Vatnsberinn var sett upp i garði Ásmundar Sveins-
sonar. Reistur var i Sólvallakirkjugarði minnisvarði
um franska sjómenn, er drukknað hafa hér við land.
Mikið kvað að byggingu ibúðarhúsa i Rvík. Reykja-
víkurbær hóf byggingu nýs íbúðahverfis við Bústaða-
veg. Vatnsæðar voru lagðar í ýmis úthverfi Rvikur.
Lokið var byggingu áburðarverksmiðjunnar í Gufu-
nesi, og byggð var hafskipabryggja við verlcsmiðjuna.
Mikið af íbúðarhúsum var byggt í Kópavogshreppi.
Hafin var stækkun St. Jósepsspítala í Hafnarfirði.
Miklar umbætur voru gerðar á Hafnarfjarðar-
kirkju. Vandað bílstöðvarhús var byggt í Hafnar-
firði. Þar var og unnið mikið að skrúðgarðagerð.
Fjöldi ibúðarhúsa var byggður í Keflavík. Nýja
sjúkrahúsið i Keflavík var tekið í notkun í nóvember.
Mikið var enn um ýmsar framkvæmdir á Keflavíkur-
flugvelli. Lokið var byggingu fiskmjölsverksmiðju i
Sandgerði. Lokið var lagningu vatnsveitukerfis í
Grindavík.
Talsverðar byggingaframkvæmdir voru í Þorláks-
höfn. Unnið var að gerð hitaveitu í Hveragerði. Þar
var og unnið að byggingu heilsuhælis Náttúrulækn-
ingafélags íslands. Hafin var bygging fiskhúss á
Stokkseyri. Mikið kvað að ýmsum framkvæmdum á
(77)