Ársrit Nemendasambands Laugarvatnsskóla - 01.05.1933, Page 91

89
Laugarvatni eins og Þingeyingar hafa á Laugum, þar
sem stúlkur stunda fjölbreytt hússtjómarnám heilan
vetur. Oft rnyndu ungu stúlkurnar fá almenna fræðslu
í skólanum einn vetur, en ganga síðari vetur í hús-
mæðradeild. Vornámskeiðin væru fyrir þær ungu stúlk-
ur, sem hefðu lítið fé eða lítinn tíma til verklegs náms.
Einhverntíma síðar kemur upp 2—3 vetra skóli fyrir
kennslukonur í hússtjórnarfræðum, hliðstæður skóli við
íþróttadeild Björns Jakobssonar. Hvar ætti sú stofnun
að vera? Sumir munu það mæla, að hún væri hvergi
betur komin en á Laugarvatni. En sú framkvæmd ligg-
ur þó fjær en hinar, sem nefndar hafa verið.
Margir þeir, sem koma að Laugarvatni og dvelja þar
skamma stund, halda, að húsakynni séu þar of mikil. En
raunin er önnur. Þar er að heita má fullt hús árið um
kring, oft miklu meiri aðsókn en tekið verður á móti.
Vetrarskólinn byrjar 1. okt. Nemendur eru frá 110—
130 í aðalskólanum, og verður ekki tekið á móti fleir-
um. Sá hópur fer síðast í marz. Þá er námsskeið í apríl
í allskonar íþróttum. I byrjun maí kemur húsmæðra-
námsskeiðið og stendur í sex vikur. Samhliða því eru
þar um 40—50 börn við sund og aðrar íþróttir. I bvrj-
un júní kemur „sæluvika“ húsmæðra. Þá er námskeið
fyrir húsmæður, en um leið hvíldartími og sumarfrí
þerira. Þarf ekki að efa, að sú sæluvika verður fjölsótt
síðarmeir, þegar Laugarvatnskonur verða húsfreyjur á
hundruðum heimila sunnanlands, og þykir mikið í var-
ið að leita aftur til kærra æskustöðva. Á þessum tíma
koma einstalcir bekkir úr skólum í Reykjavík og fá að
dvelja á Laugarvatni nokkra daga og njóta vorfriðar-
ins. Segir rektor menntaskólans, sem stundum fer
þangað með bekki úr sínum skóla, að þessar ferðir að
Laugarvatni séu eftirsóttar í mesta lagi af nemendum
Menntaskólans.
Þegar kemur fram í síðari hluta júní og til ágúst-
loka, er þrotlaus straumur gesta, innlendra og útlendra,