Frjáls verslun - 01.05.2015, Page 27

FRJÁLS VERSLUN 5 tbl. 2015 27
„Við þurfum að móta
þannig umhverfi að það sé
ekkert að því að fyrsta hug­
mynd gangi ekki upp og þá
sé bara að reyna aftur.“
Þ
að er afar gaman að
vera í aðstöðu til þess
að fá að eiga sam­
starf við margvísleg
sprotafyrirtæki og frumkvöðla og
eiga þess kost að fylgjast með
allri þeirri gerjun og sköpun sem
á sér þar stað. Endurnýjun og
uppbygging atvinnulífs í landinu
þarf á slíkri nýsköpun að halda
og það er brýnt að við stöndum
þétt á bak við þá sem standa að
henni.
Auðvitað munu ekki allar hug­
myndir ganga upp eins og lagt
er upp með en þau sem fá hug­
myndir og reyna að hrinda þeim
í framkvæmd öðlast verðmæta
reynslu sem nýtist þeim í næsta
spennandi verkefni. Við þurfum
að móta þannig umhverfi að
það sé ekkert að því að fyrsta
hugmynd gangi ekki upp og
þá sé bara að reyna aftur. Við
sem samfélag eigum að hlúa að
nýsköpun og hugmyndaauðgi
og fagna fjölbreytileikanum. Þar
geta reynt fólk úr atvinnulífinu og
ráðsett fyrirtæki miðlað reynslu
og þekkingu, stutt sprota af
stað og hlúð að þeim í fyrstu
haustvindunum. Við eigum ekki
að treysta á að opinberir aðilar
einir sjái um slíkan stuðning. Við
eigum, hvert með sínum hætti
og í samræmi við getu hvers og
eins, að styðja við það kraftmikla
fólk sem hefur trú á sjálfu sér og
vill hrinda hugmyndum sínum í
framkvæmd, það er okkur öllum
til hagsbóta.
Að hafa trú
á sjálfum sér
MARGReT G. FLÓVenZ
endurskoðandi hjá KPMG
ENDURSKOÐUN