Frjáls verslun - 01.05.2015, Síða 58

58 FRJÁLS VERSLUN 5 tbl. 2015
KRAFTUR
TRAUST
ÁRANGUR
520 9595
Hringdu núna
V ið getum verið nokkuð stolt af þeim innviðum sem við höfum byggt upp undanfarin 100 ár, t.d. aðgengi að barnagæslu, jöfnum
rétti til fæðingarorlofs, mikilli at vinnu ­
þátttöku kvenna og fjölda kvenna í stjórn ­
unarstöðum. Allt þetta hefur gert að verk ­
um að Ísland hefur náð árangri sem eftir er
tekið i jafnréttismálum kynjanna um heim
allan.“
Hvaða framfarir ertu ánægðust með í
rekstri Íslandsbanka á undanförnum
árum?
„Það er svo ótal margt. Uppbygging nýs
banka og samstaða starfsfólks bankans á
erfiðum tímum er mér auðvitað ofarlega
í huga. Í framhaldinu hefur okkur tekist
að tryggja góða afkomu af grunnrekstri
bankans og munum við halda áfram að
leggja áherslu á þann þátt. Ég vil líka nefna
sam einingu Íslandsbanka við Byr og síðan
sameiningu VÍB við Framtíðarauði. Báðar
þessar sameiningar heppnuðust einstaklega
vel, þökk sé frábæru starfsfólki.“
Hver telur þú vera brýnustu verkefni á borð ­
um íslenskra stjórnenda um þessar mundir?
„Mörg mikilvæg skref hafa verið stigin
að undanförnu sem skipta miklu fyrir
fram gang í íslensku atvinnulífi. Afnám
gjaldeyrishafta og sú áætlun sem nú liggur
fyrir er dæmi um að óvissan í rekstrar ­
um hverfinu er að minnka og stjórnendur
ættu að eiga hægara um vik að horfa til
framtíðar. Mér finnst gæta aukinnar bjart ­
sýni meðal stjórnenda fyrirtækja og það
er vonandi að því fylgi aukin fjárfesting í
fleiri geirum en ferðaþjónustu á næstunni.
Á sama tíma er mikilvægt að við lærum
af fortíðinni og gætum þess að byggja til
framtíðar fremur en að tjalda til einnar
nætur. Hagkvæmni í rekstri og áhersla á
sam keppnishæfni fyrirtækja skiptir sköpum
í því samhengi.“
Hvað líkar þér almennt best í fari
stjórnenda og leiðtoga?
„Að mínu mati eru jákvæðni, frumkvæði
og kraftur þeir þættir sem stjórnendur og
leiðtogar eiga að leggja mesta rækt við.“
Hver telur þú vera brýnustu verkefni innan
atvinnulífsins um þessar mundir?
„Ég tel mjög brýnt að allir hagsmunaaðilar
í íslensku atvinnulífi sameinist um að hafa
langtímahagsmuni að leiðarljósi. Mikil ­
vægur þáttur í því er að ná samstöðu um
fyrirkomulag við gerð kjarasamninga í
línu við það sem ríkir annars staðar á
Norður löndunum þar sem stöðugleiki og
auk inn kaupmáttur til framtíðar eru sett á
oddinn.“
Hvaða konur hafa verið þér fyrirmynd í
stjórnun?
„Ég ber mikla virðingu fyrir Vigdísi Finn ­
bogadóttur. Hún er brautryðjandi og
ein stök fyrirmynd fyrir allar konur. Hún
hef ur einmitt þá eiginleika sem prýða góða
leiðtoga. Hún tókst til að mynda á við mót ­
læti og fordóma af yfirvegun og já kvæðni
og einnig með góðri kímnigáfu.“
Aukin bjartsýni
á meðal stjórnenda
Birna Einarsdóttir,
bankastjóri Íslandsbanka
Fjármál og bankar
samtaka fjármálafyrirtækja (sff) og í
framkvæmdastjórn Viðskiptaráðs íslands.
birna situr í stjórn
Birna Einarsdóttir. „Að mínu mati eru jákvæðni, frumkvæði og kraftur þeir þættir sem
stjórnendur og leiðtogar eiga að leggja mesta rækt við.“