Frjáls verslun - 01.05.2015, Side 68

68 FRJÁLS VERSLUN 5 tbl. 2015
B reytingar hafa orðið miklar á þessum 100 árum frá því konur hlutu kosningarétt til Alþingis. Kvennabaráttan er ein
samfelld heild og öll skref í átt að jafnrétti
hafa haft áhrif á það sem á eftir kemur. Það
voru formæður okkar sem ruddu brautina,
stundum með því að fara á móti ríkjandi
viðhorfum og með því að halda menntun
að dætrum sínum og sýna þeim að allt væri
þeim fært.“
Hvaða framfarir ertu ánægðust með í
rekstri Kaffitárs á undanförnum árum?
„Kaffitár hefur haldið áfram að þroskast
og dafna og ég hef yfir miklu að gleðjast.
Ég er stolt af starfsfólki mínu fyrir að
halda alltaf uppi sömu miklu gæðunum í
kaffi og drykkjum. Það er ekki einfalt mál,
hafandi í huga þann mikla fjölda sem unnið
hefur hjá Kaffitári. Svo er ég mjög stolt
af beinum viðskiptum við kaffibændur en
rúmlega 80% eru bein viðskipti. Það getur
verið snúið og krefst mikillar samvinnu
heimsálfanna á milli.“
Hver telur þú vera brýnustu verkefni á
borðum íslenskra stjórnenda um þessar
mundir?
„Almenn efnahagsumgjörð skiptir mestu
máli og traust milli manna. Ég vildi svo
gjarnan borga sömu vexti og kollegar mínir
erlendis sem ég keppi við. Ég vona bara að
við verðum fullgild í samfélagi þjóðanna
og leggjum okkar af mörkum í átt að betri
heimi.“
Hvað líkar þér almennt best í fari
stjórnenda og leiðtoga?
„Heiðarleiki, yfirvegun, þor og glaðværð
sem smitar út frá sér.“
Hver telur þú vera brýnustu verkefnin
innan atvinnulífsins um þessar mundir?
„Hvernig við förum að því að láta
reksturinn ganga upp með þann kostnaðar ­
auka sem birtist alls staðar. Verðbólgan
virð ist vera farin af stað sem er ekki gott.“
Hvaða konur hafa verið þér fyrirmynd í
stjórnun?
„Á hverjum degi sér maður fleiri og fleiri
konur í ábyrgðarstöðum og í forsvari
fyrirtækja og stofnana. Allar þessar konur
blása manni bjartsýni og þori í brjóst.
Konur sem ég hef umgengist í gegnum tíð­
ina hafa flestar haft áhrif á mig. Hver og
ein hefur eitthvað sérstakt við sig sem er
eftirtektarvert og ég mundi vilja tileinka
mér. Hvort maður hefur haft erindi sem
erfiði er svo annað mál.“
80% eru bein
viðskipti við kaffibændur
Aðalheiður Héðinsdóttir,
eigandi Kaffitárs
Iðnaður, bílar, vErslun o.Fl.
tækniskóla íslands.
aðalheiður situr í stjórn
Aðalheiður Héðinsdóttir. „Hvernig við förum að því að láta reksturinn ganga upp með þann
kostnaðar auka sem birtist alls staðar. Verðbólgan virð ist vera farin af stað sem er ekki gott.“
www.fulltingi.is / fulltingi@fulltingi.is / sími 533 2050 / Suðurlandsbraut 18, 108 Reykjavík
Slys geta gerbreytt aðstæðum í lífi okkar.
Hvort sem þú ert í rétti eða órétti, getur þú átt rétt á bótum!
Hver er þinn réttur?