Frjáls verslun - 01.05.2015, Side 72

72 FRJÁLS VERSLUN 5 tbl. 2015
M ér finnst árangur kvenna á Íslandi undanfarin 100 ár vera frábær, sér staklega í al þjóðlegum
sam an burði. Mikið er horft til okkar hér
á landi og spurt hver sé formúlan hjá
okkur, það er kannski það sem við ættum
að vera stoltastar af. Ég held að kosning
Vig dísar Finnbogadóttur standi upp úr í
kvenna baráttunni hjá okkur,“ segir Erna
Gísladóttir.
Hvaða framfarir ertu ánægðust með í
rekstri BL á undanförnum árum?
„Það er margt hægt að benda á en ef benda
á á eitthvað eitt ætli það sé ekki hversu
góður starfsandi er hjá fyrirtækinu og gam­
an að finna að allir ganga í takt. Rekst ur inn
er allur að batna og við horfum björt um
augum til framtíðar.“
Hver telur þú vera brýnustu verkefni á
borðum íslenskra stjórnenda um þessar
mundir?
„Það verður að skipuleggja næstu ár og
nýta vel þann vinnufrið sem vonandi er
að skapast á vinnumarkaði. Þessi friður er
nokkuð dýru verði keyptur þar sem launa ­
kostn aður eykst mikið í byrjun en jafnar sig
svo út samningstímabilið.“
Hvað líkar þér almennt best í fari
stjórnenda og leiðtoga?
„Mér líkar almennt best við stjórnendur og
leiðtoga sem taka af skarið og draga aðra
með sér á jákvæðan hátt.“
Hver telur þú vera brýnustu verkefni innan
atvinnulífsins um þessar mundir?
„Við þurfum að hætta að líta um öxl og
horfa frekar fram á við og íhuga hvernig
við ætlum að byggja okkur upp til fram ­
tíðar og hvert við stefnum. Nauð synlegt er
að efla iðn­ og tækninám, þar verðum við
að bæta ímynd og stolt þessara greina til að
við fáum fleira ungt fólk til að mennta sig
á þessum sviðum. Það er nauðsynlegt að
bæta og efla þetta nám ef okkur á að takast
vel upp sem þjóð til lengri tíma.“
Hvaða konur hafa verið þér fyrirmynd í
stjórnun?
„Það eru margar flottar konur sem koma
upp í hugann en ef ég á að nefna einhver
nöfn ætli það væru ekki Margrét Thatcher
og Meg Whitman.“
Nokkuð
dýrkeyptur friðurErna Gísladóttir,
eigandi og forstjóri BL
Iðnaður, bílar, vErslun o.Fl.
stjórnarformaður sjóvár, stjórnar maður í
Högum og stjórnarmaður í bl.
erna
Erna Gísladóttir. „Mér líkar almennt best við stjórnendur og leiðtoga sem taka af skarið og
draga aðra með sér á jákvæðan hátt.“