Frjáls verslun - 01.05.2015, Qupperneq 82

82 FRJÁLS VERSLUN 5 tbl. 2015
Þ að er í raun ótrúlegt til þess að hugsa að það séu ekki nema 100 ár síðan konur fengu kosningarétt á Íslandi. Það sem stendur upp úr
er þakk læti til þeirra sem ruddu brautina.
Kosning Vigdísar Finnbogadóttur sem
forseta markaði skýr tímamót og hefur
haft mikil áhrif á viðhorf Íslendinga til
jafnréttismála.“
Hvaða framfarir ertu ánægðust með í
rekstri Nova á undanförnum árum?
„Framfarir í fjarskiptum hafa verið gríðar ­
legar. Þar stendur snjallvæðingin upp
úr, enda er hún ekkert minna en bylting á
pari við prent­ og iðnbyltinguna. Við lifum
á tímum mikilla breytinga og það er einmitt
það sem gerir lífið svo skemmtilegt.“
Hver telur þú vera brýnustu verkefni á
borðum íslenskra stjórnenda um þessar
mundir?
„Stjórnvöld verða að láta verkin tala og
auka frelsi til athafna og auka tiltrú fólks á
að framtíð Íslands sé björt.“
Hvað líkar þér almennt best í fari
stjórnenda og leiðtoga?
„Ég held því fram að bestu stjórnendurnir
séu fyrst og fremst sterkir leiðtogar.
Öflugur leiðtogi fær fólk til að langa til
að ná árangri og ef löngun er fyrir hendi er
allt hægt.“
Hver telur þú vera brýnustu verkefni innan
atvinnulífsins um þessar mundir?
„Atvinnulífið verður að fá tækifæri til að
vinna að nýsköpun og frumkvöðlastarfi –
og halda í við tækninýjungar og þróun. Við
þurfum að tryggja samkeppnishæfni Íslands
á öllum sviðum, annars drögumst við hratt
og örugglega aftur úr.“
Hvaða konur hafa verið þér fyrirmynd í
stjórnun?
„Ótal konur hafa verið mér fyrirmyndir
í lífinu; mamma mín, amma, frænkur, vin
konur, skólasystur og samstarfskonur.
Í raun mótast maður af öllu sínu samferða ­
fólki. Það hefur sterk áhrif á mann og
á viðhorf manns til lífsins og það mótar
mann sem stjórnanda.“
Láta verkin tala
og auka frelsi til athafna
Liv Bergþórsdóttir,
forstjóri Nova
Iðnaður, bílar, vErslun o.Fl.
stjórnarformaður Wow og situr í
stjórn CCP og 66˚norður.
liv
Liv Bergþórsdóttir. „Ég held því fram að bestu stjórnendurnir séu fyrst og fremst sterkir leiðtogar. Öflugur leiðtogi fær fólk til að langa til að
ná árangri og ef löngun er fyrir hendi er allt hægt.“