Frjáls verslun - 01.05.2015, Qupperneq 94

94 FRJÁLS VERSLUN 5 tbl. 2015
É g vil nefna tvennt í sambandi við það hvað mér finnst hafa staðið upp úr í kvennabaráttunni síðustu áratugi. Annars
vegar eru það lögin um fæðingarorlof
sem veittu föður og móður jafnan rétt til
fæðingarorlofs þar sem greiðslur miðuðust
við 80% af heildarlaunum bæði móður
og föður. Fæðingarorlofslögin styrktu
stöðu kvenna á vinnumarkaði gríðarlega
auk þess að stuðla að aukinni þátttöku
karla í uppeldi. Því miður hafa áhrif
þessara laga að miklu leyti gengið til
baka eftir hrunið þegar hámark var sett á
fæðingarorlofsgreiðslur.
Hins vegar er það tilkoma Kvennalistans
en tilkoma hans hafði þau áhrif að greiða
braut kvenna í stjórnmálum og þar með á
áhrif þeirra og sýn á landsmálin.“
Hvaða framfarir ertu ánægðust með
í rekstri Íslenskrar erfðagreiningar á
undanförnum árum?
„Kaup lyfjafyrirtækisins Amgen á
Íslenskri erfðagreiningu í lok árs 2012
styrktu fyrirtækið gríðarlega. Auk þess að
tryggja fjárhagslega afkomu þess færðu
þau fyrirtækið mun nær markmiðum þess
að nýta erfðafræðina til að finna gagnleg
lyfjamörk. Uppgötvanir okkar hafa nú
þegar leitt til þróunar nýrra lyfja. “
Hver telur þú vera brýnustu verkefni á
borðum íslenskra stjórnenda um þessar
mundir?
„Að útrýma launamun karla og kvenna.“
Hvað líkar þér almennt best í fari
stjórnenda og leiðtoga?
„Mikilvægt er að stjórnandi hafi góða
yfirsýn og þekkingu á þeim verkefnum sem
verið er að fást við, hafi skýra framtíðarsýn
og geti hrifið undirmenn sína með sér.
Gagnkvæmt traust þarf líka að ríkja
milli stjórnanda og undirmanna þannig
að stjórnandi geti falið sínu fólki ábyrgð
og undirmenn jafnframt leitað til
stjórnandans.“
Hver telur þú vera brýnustu verkefni innan
atvinnulífsins um þessar mundir?
„Auk almennra atriða eins og að aflétta
gjaldeyrishöftum og taka upp nýjan
gjaldmiðil tel ég brýnasta vekefnið
vera að styrkja stöðu kvenna í stjórnun
og rekstri fyrirtækja. Ein leið til að ná
þessu markmiði er að beita kynjakvóta.
Andstæðingar hans telja að með því að
beita honum sé ekki verið að velja hæfasta
einstaklinginn til verksins. Fleiri konur
en karlar útskrifast nú úr háskólum og
konur eru orðnar í meirihluta í störfum
sem áður voru hefðbundin karlastörf
eins og t.d. læknastarfi. Því er ég ekki í
nokkrum vafa um að hægt er að finna bæði
karla og konur sem eru hæf til að reka
og stjórna fyrirtækjum. Konur eru ólíkar
körlum og stjórnunarstíll þeirra oft annar
svo mikilvægt er að bæði kynin komi að
stjórnun.“
Hvaða konur hafa verið þér fyrirmynd í
stjórnun?
„Þegar ég var í námi erlendis kynntist
ég sterkum kvenvísindamönnum sem
höfðu mikil áhrif á mig og kenndu mér
að hugsa stórt og efast ekki um eigin
sannfæringu. Á Íslandi hafa konur eins og
Vigdís Finnbogadóttir og Ingibjörg Sólrún
Gísladóttir verið mér fyrirmyndir.“
Unnur Þorsteinsdóttir, framkvæmdastjóri
erfðarannsókna hjá Íslenskri erfðagreiningu
vísIndI – háskólasamFélag
í stjórn rannsóknasjóðs íslands.
unnur
Unnur Þorsteinsdóttir. „Mikilvægt er að stjórnandi hafi góða yfirsýn og þekkingu á þeim verk­
efn um sem verið er að fást við, hafi skýra framtíðarsýn og geti hrifið undirmenn sína með sér.“
þurfa að koma að stjórnun
Fleiri konur