Frjáls verslun - 01.05.2015, Qupperneq 107

FRJÁLS VERSLUN 5 tbl. 2015 107
náunganum mikilvæg
Ólafía B. Rafnsdóttir. „Meginhlutverk stjórnenda er ætíð að skipuleggja reksturinn með hags­
muni allra í fyrirrúmi, þá á ég við hagsmuni bæði eigenda og starfsmanna.“
ólaFía
F yrst vil ég nefna þá vitundarvakningu sem við höfum séð undanfarin ár og hefur opnað umræðuna um jafnréttismálin alveg upp á gátt,“ segir Ólafía B.
Rafnsdóttir þegar hún er spurð hvað henni
finnist hafa staðið upp úr í kvennabaráttu
síðustu áratugi. „Launajafnrétti kynjanna
á vinnumarkaði er mér hugleikið. Hjá
VR hefur kynbundinn launamunur
minnkað umtalsvert á síðustu árum en
ennþá er þó allt of langt langt í land að
við náum fullu jafnrétti. Svo verð ég að fá
að nefna jafnlaunastaðalinn sem gefinn
var út fyrir tæpum tveimur árum og er
einsdæmi á heimsvísu. Við hjá VR höfum
nú þegar veitt á þriðja tug fyrirtækja
Jafnlaunavottun VR sem byggist alfarið á
þessum merka staðli.“
Hvaða framfarir ertu ánægðust með í
rekstri VR á undanförnum árum?
„Það sem stendur upp úr hvað snertir
mitt nánasta umhverfi er sú staðreynd
að ánægja starfsmanna VR hefur
aukist til muna á síðustu árum. VR er
nú í 5. sæti stórra fyrirtækja á lista yfir
„Fyrirtæki ársins“ sem er árleg könnun á
vegum félagsins. Þetta er afar ánægjuleg
niðurstaða sem skilar sér klárlega til allra
okkar félagsmanna í þeirri vaxandi og
fjölbreyttu þjónustu sem við veitum.“
Hver telur þú vera brýnustu verkefni á
borðum íslenskra stjórnenda um þessar
mundir?
„Meginhlutverk stjórnenda er ætíð að
skipuleggja reksturinn með hagsmuni allra
í fyrirrúmi, þá á ég við hagsmuni bæði
eigenda og starfsmanna. Markmið okkar
sem stéttarfélags er að auka kaupmátt
launafólks og við leitum eftir því að
stjórnendur fyrirtækja starfi að því með
okkur.“
Hvað líkar þér almennt best í fari
stjórnenda og leiðtoga?
„Þegar stjórnandi nær að laða það besta
fram í starfsmönnum. Það skilar sér í
aukinni starfsánægju sem aftur skilar sér í
meiri framleiðni fyrirtækja. Einnig er góð
upplýsingagjöf til starfsmanna oft vanmetin
og ef stjórnandi temur sér að upplýsa
starfsfólkið vel er honum og fyrirtækinu
umbunað fyrir.“
Hver telur þú vera brýnustu verkefnin
innan atvinnulífsins um þessar mundir?
„Brýnasta verkefni atvinnulífsins er að
taka virkan þátt í þeirri vinnu sem hér
er hafin til að auka kaupmátt launafólks.
Landsframleiðsla er nú orðin sú sama
og fyrir hrun en nokkuð vantar upp á að
kaupmáttur útborgaðra launa nái sömu
hæðum. Hagnaður stærstu fyrirtækja er
mjög góður og vel hefur tekist að vinna
úr skuldamálum þeirra. Það er því brýnt
verkefni að launamenn fái að njóta
þessa góða árangurs sem við sjáum hjá
þessum stærstu fyrirtækjum landsins.
Framleiðni er hér minni en annars staðar
á Norðurlöndunum og er það eitt af
verkefnum atvinnulífsins að stuðla að
aukinni framleiðni, öllum aðilum til góðs.“
Hvaða konur hafa verið þér fyrirmynd í
stjórnun?
„Allar konur sem hafa tekið þá ákvörðun
að bjóða sig fram til stjórnunarstarfa.
Það skiptir miklu máli að til séu sterkar
fyrirmyndir fyrir ungar konur sem eru að
stíga sín fyrstu skref á vinnumarkaði og
vilja láta til sín taka. Við þurfum enn að
berjast fyrir jafnrétti kynjanna – því miður
– og því nefni ég hér allar konur sem hafa
lagt sitt lóð á vogarskálarnar.“
samtök á vInnumarkaðI
fyrirmyndir mikilvægar
Sterkar
í stjórn landssambands íslenskra
verzlunarmanna og var kosin varaformaður
á þingi líV í nóvem ber 2013. Hún situr
í stjórn Virks starfs endur hæfngarsjóðs.
í stjórn Atvinnu leysistrygg ingasjóðs. í
miðstjórn Alþýðusambands íslands og
fjölda nefnda á vegum Así. er varaforseti
Así. situr í stjórn rann sóknar seturs
verslunarinnar. í nefnd á vegum Alþingis
í tilefni af 100 ára kosningaafmæli
kvenna sem og í stjórn nýsköpunarsjóðs
atvinnulífsins.
Ólafía B. Rafnsdóttir,
formaður VR