Frjáls verslun - 01.05.2015, Page 113

FRJÁLS VERSLUN 5 tbl. 2015 113
K Kjör frú Vigdísar Finnbogadóttur í em ­bætti forseta Íslands setti mark sitt á þjóðlíf okkar og samfélag,“ segir Ragna Árnadóttir
þegar hún er spurð hvað henni finnist hafa
staðið upp úr í kvennabaráttunni síðustu
áratugi. „Kvenréttindabaráttan er auðvitað
miklu víðtækari en einstök embætti en
slíkur árangur skiptir miklu máli. Jafnvel
heimsfrægð Bjarkar Guðmundsdóttur
blés ungum stúlkum andann í brjóst.
Undanfarinn áratug hefur baráttan gegn
kynbundnu ofbeldi og heimilisofbeldi
verið áberandi en kvennahreyfingin sá
um að setja hana á dagskrá. Einnig má
nefna aukna þátttöku kvenna í stjórnum
fyrirtækja en það ætti auðvitað ekki að
þurfa lagasetningu til.“
Hvaða framfarir ertu ánægðust með í
rekstri Landsvirkjunar á undanförnum
árum?
„Rekstur Landsvirkjunar er í góðu horfi
og áhersla hefur verið lögð á að minnka
skuldsetningu og auka arðgreiðslugetu
fyrirtækisins sem er orðið markaðsdrifnara
í takt við breytingar á löggjöf og markaðs­
aðstæðum. Við höfum einnig lagt áherslu
á opin samskipti og upplýsingagjöf til
almennings.“
Hver telur þú vera brýnustu verkefni á
borðum íslenskra stjórnenda um þessar
mundir?
„Að auka skilning á því að fjölbreytni
skiptir máli og það hefur áþreifanlegt
gildi að tryggja jafna þátttöku og tækifæri
kvenna og karla í atvinnulífinu, ekki síst
þegar kemur að stjórnunarstöðum.“
Hvað líkar þér almennt best í fari
stjórnenda og leiðtoga?
„Hógværð og auðmýkt fyrir valdinu sem
þeir hafa með höndum.“
Hver telur þú vera brýnustu verkefni innan
atvinnulífsins um þessar mundir?
„Að fyrirtækin leggi sitt af mörkum til að
halda stöðugleika í efnahagslífi landsins.
Einnig að nýtt verði þau tækifæri sem
greind hafa verið í skýrslu McKinsey um
vaxtarmöguleika fyrir Ísland og sem til
umfjöllunar eru í Samráðsvettvangi um
aukna hagsæld á Íslandi. Það er til mikils
að vinna.“
Hvaða konur hafa verið þér fyrirmynd í
stjórnun?
„Auk Vigdísar Finnbogadóttur hafði amma
mín heitin, Ragna Jónsdóttir, mikil áhrif
á mig. Sem kennari gat hún verið glettin
og uppátækjasöm en alvarleg þegar með
þurfti. Hún sýndi nemendum sínum þá
umhyggju að skipta sér af þeim þegar þeir
þurftu umvöndunar við.“
Ragna Árnadóttir,
aðstoðarforstjóri Landsvirkjunar
samgöngumál
í stjórn CCP og formaður samráðsvettvangs
um aukna hagsæld og formaður stýrihóps
um innanlandsflug.
ragna
með tillögur til úrbóta í
samgöngumálum
Ákveðin auðmýkt mikilvægstjórnendum
Ragna Árnadóttir. „Að auka skilning á því að fjölbreytni skiptir máli og það hefur áþreifanlegt
gildi að tryggja jafna þátttöku og tækifæri kvenna og karla í atvinnulífinu, ekki síst þegar kemur
að stjórnunarstöðum.“