Frjáls verslun - 01.05.2015, Page 156

156 FRJÁLS VERSLUN 5 tbl. 2015
Texti: Svava Jónsdóttir / Myndir: Geir Ólafsson og fleiri
Losnum við erfið handverk með sjálfvirkni
Marel
marel er alþjóðlegt fyrirtæki með viðskiptavini í öllum heimshlutum. Marel er í fararbroddi í nýsköpun
og vöruþróun og ráðstafar árlega um sex milljörðum króna í nýsköpun. Í Marel er nú verið að þróa nýja
vél, FleXicut, sem mun umbylta hvítfisksvinnslu en með tilkomu vélarinnar hefur mannfrekt ferli við
beingarðsskurð verið vélvætt. Þrjár konur eru í teyminu sem kemur að þróuninni.
S
tefna Marels er að
vera í fararbroddi á
heimsvísu í þróun og
framleiðslu á há þró ­
uðum búnaði og kerfum til
vinnslu á fiski, kjöti og kjúkl ingi.
FleXicut tengist einu af
verk efnum fyrirtækisins og er
vatnsskurðarvél sem byggist á
háþróaðri röntgentækni. Það
þykir krefjandi starf í fisk ­
vinnslum að fjarlægja beingarð
en með tilkomu vélarinnar
hefur mannfrekt ferlið verið
vélvætt og í kjölfarið munu
afköst aukast. FleXicut sker
bein garðinn hratt og vel í burtu
og hlutar flakið niður miðað við
hámörkun á nýtingu.
Guðbjörg Heiða Guð munds ­
dóttir verkfræðingur, Stella
Guð jónsdóttir stærðfræðingur
og Þórdís Reynisdóttir verk ­
fræðingur eru í teyminu sem
vinnur að þróun FleXicut­vél ­
arinnar.
„Fiskurinn er ein af okkar
náttúruauðlindum, okkur
ber að fara vel með hana og
há marka verðmætin. Þar af
leiðandi er mjög áhugavert að
fá að taka þátt í þessu verkefni.
Markaðurinn kallar sífellt eftir
meiri sjálfvirkni og þarna er
tekið lykilskref í þá átt en lengi
hefur verið beðið eftir lausn
sem þessari,“ segir Guðbjörg
„Vélin mun auka virði hrá ­
efnisins fyrir viðskiptavini
okkar til muna,“ segir Þórdís.
Fyrirtæki á Íslandi og í Noregi
hafa sýnt FleXicut áhuga og
segja þær að áhugi fyrir vélinni
sé almennt mikill.
„Það er búið að skrifa undir
sölusamninga og fleiri eru í
farvatninu,“ segir Guðbjörg.
„Við horfum til framfaranna
sem fyrirtæki ná í vinnslunni
með kaupum á FleXicut; fjöl ­
breyttara vöruúrvals, aukinna
afkasta og minni þarfar fyrir
sérþjálfað vinnuafl. Allt þetta
gerir að verkum að endur ­
greiðslu tími vélarinnar er vel
innan ásættanlegra marka.“
Þórdís Reynisdóttir, Stella Guðjónsdóttir og Guðbjörg Heiða Guðmundsdóttir eru í teyminu sem vinnur að þróun FleXicut-vélarinnar.