Tímarit Máls og menningar - 01.12.1953, Blaðsíða 5

RITSTJ ÓRNARGREINAR
115
Undirtektir margra góðra félagsmanna í Reykjavík og Hafnarfirði til stuðnings
þessu nýja verkefni Máls og menningar eru þess eðlis að þær eiga skilið að festast á
spjöld sögunnar sem sígilt dæmi um óbrigðulan menningaráhuga hinna beztu Is-
lendinga. Þessir menn tóku því ekki aðeins fúslega að leggja fram ríflega fjárhæð
(þar sem lægsti hlutur er kr. 1000.00) heldur hvöttu til stórræða og gerðust margir
þeirra sjálfir hrennandi af áhuga svo að ánægjulegt var að finna hvert kapp þeir
lögðu á að Máli og menningu mætti takast að leysa þetta nýja verkefni.
En þó að undirtektir hafi reynzt ágætar og fest hafi verið kaup á húseign er ennþá
ekki af nema fyrsti áfanginn að því marki sem Vegamót hafa sett sér, en næsti áfangi
er að safna hlutafjárupphæðinni allri, einni miljón króna, ljúka síðari útborgun
áður en afsal fer fram á Laugaveg 18 1. febrúar 1954, kr. 200 þús., og síðar að reisa
nýja byggingu á staðnum svo að Mál og menning geti flutt þangað bókabúð sína
og haft þar miðstöð fyrir félagsstarfsemi sína, en takmarkið er að koma þeirri bvgg-
ingu upp fyrir 20 ára afmæli Máls og menningar 1957. Það er ekki við unandi og
sízt eftir að góður staður er fenginn að félagið geti ekki aukið menningarstarfsemi
sína og fært hana yfir á fleiri svið, gert fleira til menningarauka en gefið út bækur
og verzlað með þær. Mál og menning þarf að eignast félagsheimili, geta haft
fræðslu- og kynningarstarfsemi um bókmenntir, eiga samkomusal, lesstofu með
bókasafni, jafnvel gististað fyrir félagsmenn utan Reykjavíkur ofl. En engri slíkri
starfsemi er unnt að halda uppi nema í góðri byggingu sem félagið á sem mestan
hlut í sjálft með félagsmönnum sínum.
Hið nýja hlutafélag Vegamót á því stórt átak fyrir höndum sem félagsmenn Máls
og menningar um allt land verða að hjálpa því til að leysa. Mál og menning hefur
skrifað sig fyrir um helming hlutafjárins, eða rúmri hálfri miljón króna, sem safna
þarf næstu mánuði. Þessa upphæð verður félagið annaðhvort að fá sem hlutafé eða
lán frá félagsmönnum. Æskilegt er að sjálfsögðu að Mál og menning geti eignazt
sem stærstan hlut í Vegamótum, og gerir félagið þess vegna útboð á 300 þús. kr.
láni, 1000 króna, 500 króna og 250 króna skuldabréfum. Lánið er boðið út til
fimmtán ára með 7% vöxtum, afborgunarlaust fyrstu fimm árin, en bréfin síðan
dregin út á næstu tíu árum, þ. e. tíundi hluti þeirra hvert ár. Ileitir stjórn Máls og
menningar á félagsmenn hvar sem þeir eru á landinu að taka fljótt og drengilega
undir þetta lánútboð og kaupa sjálfir og hjálpa til við sölu á skuldabréfunum til að
gera hlut félagsins sem stærstan í hinu nýja hlutafélagi, Vegamótum. Samhliða
þessu heldur áfram beinni hlutafjársöfnun til Vegamóta, en þar er lægsti hlutur kr.
1000, en ýmsir hafa lagt 5 þús. og 10 kr. hluti. Hlutabréfin verða til sölu í skrifstofu
Máls og menningar, Þingholtsstræti 27, Reykjavík, og hjá umboðsmönnum félagsins
um land allt.
Að lokinni hlutafjársöfnuninni er verkefnið að hefjast handa á hinni nýju bygg-
ingu, helzt næsta vor, og reisa hana í áföngum. Er Sigvaldi Thordarson, arkitekt,
þegar að gera teikningu að byggingunni og sótt hefur verið um fjárfestingarleyfi
og gerðar aðrar ráðstafanir til undirbúnings því að framkvæmdir geti hafizt. I
stjórn Vegamóta eru Kristinn E. Andrésson, formaður Máls og menningar, Adolf
Björnsson, bankaritari, Benedikt Stefánsson, fulltrúi, Sigurður Thoroddsen, verk-