Tímarit Máls og menningar - 01.12.1953, Qupperneq 36
146
TÍMARIT MÁLS OG MENNINGAR
Efst til vinstri á fyrstu bls. stendur Uglan. Við fyrirsögnina eru enn-
fremur tvær athugasemdir. „Frá 1. sept. — 24. nóv. skrifuð: 1. Gretlu-
ritgerð 2. Reisubókarkorn 3. 5 greinar um landráðamálið 4. þýðing á
Blindhúsum G. G.“ Hin athugasenrdin á beint við Atómstöðina: „Sagan
á að vera ca. 300 vélritaðar síður. (24. nóvember.)“ Dagsetningar þess-
ar eiga við árið 1946. Hinsvegar er erfitt að segja, hvort meiningin sé,
að höfundurinn hafi byrjað á „grindinni“ 24. nóvember, eða lokið
henni þá. Að minnsta kosti er hann farinn að semja sögu sína skömmu
eftir að flugvallarsamningurinn við Bandaríkin var samþykktur á Al-
þingi 5. október.
Fyrsta heildarhandritið að sögunni er samkvæmt athugasemd á bls.
1 byrjað „25. nóv.“. Það virðist benda til þess, að „grindinni“ hafi
verið lokið 24. nóvember, og að skáldið hafi strax daginn eftir byrjað
á handritinu. Hitt er þó ekki fráleitt, að hann sé farinn að semja þetta
handrit, áður en hann hafi gengið frá „grindinni“ til fulls. Það er e. t.
v. eðlilegasta skýringin á því, að kaflaskipting sú, er kemur fyrir þegar
í „grindinni“ á nokkrum stöðum, skyldi samsvara svo vel kaflaskipting-
unni í handritinu. Hann hefur þá lagað „grindina“ eftir því sem vinn-
unni á heildarhandritinu miðaði áfram. Á síðustu bls. þessa handrits,
sem er alls 455 tölusett blöð, skrifuð með bleki, er þessi athugasemd:
„Lokið uppkasti 25. júní 1947.“ Það er m. ö. o. sarnið á sjö mánuðum.
Sem fyrirsögn hefur verið notuð Orgeltíminn eða menn í loftinu, en
hún hefur verið strikuð út og skrifað í staðinn Atómstöð Keflavík og
Ugla Falsdóttir.
Annað heildarhandritið tekur yfir 328 tölusett blöð, skrifuð með
bleki. Þar að auki eru inn á milli ýmis ótölusett blöð með yfirliti um
einstaka kafla og einstök atriði. Nokkur hluti þessa handrits er saminn
í höfuðborgum Norðurlanda haustið 1947: á bls. 128 b, þar sem níundi
kafli hefst, stendur „25. sept. Copenhagen. Hotel d’Angleterre“; á bls.
143, þar sem tíundi kafli hefst, „Grand Hotel, Saltsjöbaden 5. okt.“;
á bls. 164, þar sem þrettándi kafli hefst, „Grand Hotel Oslo 12. okt.“.
Ódauðlegu blómin og Ófeigu blómin hefur höf. reynt sem fyrirsögn í
þessu handriti. Hér eru í fyrsta skipti teknar upp ýmsar þeirra kafla-
fyrirsagna, sem eru í bókinni.
Svo eru tvö vélrituð handrit, hvort á 190 bls. Þau eru ekki eins, heldur
er annað þeirra breytt frá hinu og hefur verið notað sem prenthandrit.