Tímarit Máls og menningar - 01.06.1981, Qupperneq 50

Tímarit Má/s og menningar
nýju um leið og ljóst verður að ekki ætlar að takast að berja saman einhverjum
valkosti til vinstri við kratana. Hinn harði kjarni Baader/Meinhof hópsins er
brotinn á bak aftur 1972, en engu að síður eru margar af ofannefndum lýðrétt-
indaskerðingum ekki lögfestar fyrr en næstu árin á eftir, og leiddu þær til þess að
Bertrand Russel stofnunin gerði opinbera könnun á mannréttindabrotum i
V-Þýskalandi. Því er þetta rakið að það er á þessum erfiðu pólitísku tímum sem
bækur Bölls og Wallraffs koma út. Höfundarnir eru að rísa gegn þungum straumi
hins opinbera pólitíska áróðurs, eigandi yfir höfði sér ákærur um samúð með
hryðjuverkamönnum og gott ef ekki hálfgildings aðild að samtökum þeirra.
Sem fýrr segir hefur þróunin í afturhaldsátt líklega náð hámarki 1977, og á
síðari árum hefur pólitískt andóf að nýju færst í aukana, einkum gegn kjarn-
orkuverunum í landinu og ástandinu í húsnæðismálum. Mennta- og listamenn
hafa tekið þátt í þessari nýju baráttu, og mun óhætt að segja að framboð
grýlunnar Strauss hafi orðið þeim tilefni til að hefja að nýju afskipti af pólitík, —
sem margir þeirra höfðu hætt þegar vonirnar sem bundnar höfðu verið við
ríkisstjórn Willy Brandts urðu smám saman að engu og persónugervingur
teknókratíunnar Helmut Schmidt tók við stjórnartaumum. Róttækir þýskir
menntamenn hafa löngum átt mjög erfitt uppdráttar, og þannig varð stúd-
entauppreisnin kveikja lygilegrar áróðursherferðar í hægripressunni (til hennar
vilja sumir telja nær öll dagblöð landsins). Fremst i þeirri krossferð fór blaðið
Bild undir stríðsletri, og er ekki snúið heim úr henni ennþá.
Bild og Springer
Undanfarin 5 ár hefur upplag Bild verið tæpar 5 milljónir, og blaðið hefur náð
til hartnær 12 milljóna lesenda á hverjum degi.6 A áttunda áratugnum hefur
blaðið bætt við sig hátt á annarri milljón nýrra kaupenda. Heildarupplag
dagblaða í V-Þýskalandi er um 23 milljónir, svo Bild fær í sinn hlut rúm 20%.
Bild fæst eingöngu í lausasölu, útsölustaðir munu um 80 þúsund talsins.
Aðalritstjórnin hefur aðsetur í Hamborg, en 19 ritstjórnir að auki útbúa
blaðhluta fýrir viðkomandi landsvæði sem bætist við hina sameiginlegu sam-
bandsútgáfu. Bild er þekktasta varan á hinum vestur-þýska markaði, nær allir
fullorðnir íbúar landsins kannast við snepilinn, um 40% þeirra lesa blaðið
a. m. k. einu sinni í viku.
Bild er auglýsingablað: Auglýsingar fýlla 60% af dálkum blaðsins, 96% þeirra
eru frá kapítalískum fýrirtækjum; 3/4 hlutar auglýsinga miða að aukinni
einkaneyslu. Það er ýmislegt fróðlegt í prósentureikningi Bild-rannsókna. Til