Tímarit Máls og menningar - 01.06.1981, Qupperneq 102

Tímarit Máls og menningar
Vitni lýstu því fyrir dómstólnum hvernig börn voru negld við jörðina yfir
mauraþúfum og skilin eftir til að vera étin lifandi af maurunum. Börn allt niður
í þriggja mánaða hafa sætt pyndingum.
2. Hve kerftsbundin hún er og opinber. Engin launung er á pyndingum eða
aftökum; líkamir fórnarlambanna eru skildir eftir á opinberum stöðum, öðrum
til skelfingar og viðvörunar. Höfuð hinna myrtu eru stundum sett upp á staura,
almenningi til sýnis.
3. Hún beinist gegn öllum stéttum og skoðanahópum. Eftirfarandi tafla er tekin úr
skýrslu frá Lögfræðiaðstoðinni og nær yfir fólk sem var líflátið í E1 Salvador frá
1. janúar til 15. desember 1980 (fólk sem féll fyrir kúlum hermanna eða
fórnarlömb borgarastyrjaldarinnar ekki meðtalin):
Smábændur og leiguliðar 3.451
Verkamenn 422
Námsmenn 778
Kennarar 136
Hjúkrunarfólk 5
Borgarstjórar 2
Menntamenn 45
Atvinnulausir 24
Opinberir starfsmenn 378
Flutningaverkamenn 7
Trúarleiðtogar 10
Verslunarmenn 182
Óþekktir 2.794
Alls 8.214
Þessar tölur ná yfir aftökur einstaklinga að undangengnum pyndingum, en
til viðbótar eru allmörg dæmi um fjöldamorð á íbúum landsins, eins og i Río
Sampul 14. og 15. maí 1980 þegar um 600 smábændur og landbúnaðarverkafólk,
þ. á m. konur, börn og gamalmenni, voru pynduð og drepin. E1 Salvador-nefnd
Spænska kirkjuráðsins safnaði vitnisburðum um þessa atburði fyrir dómstólinn
og nefndarmenn náðu tali af fólki sem lifði árásina af og dvelst nú í flótta-
mannabúðum í Honduras og Costa Rica. Frásagnir vitna frammi fyrir dóm-
stólnum voru hræðilegar á að hlýða. Ljóst er að þarna voru að verki hersveitir E1
Salvador í samvinnu við her Honduras.
220