Tímarit Máls og menningar - 01.06.1981, Qupperneq 106

Tímarit Máls og menningar
gerð í Dómíníska lýðveldið 1965. Daglega koma tíu D-103 flutningavélar til E1
Salvador með sinn dauðafarm. Samkvæmt vitnisburði fyrir dómstólnum er
almennt álit meðal kirkjunnar manna í E1 Salvador að ástæða þess að öryggis-
sveitir svívirtu og myrtu 4 bandarískar nunnur sé sú að þær hafi þá haft undir
höndum sannanir um hlutdeild Bandaríkjastjórnar í grimmdarverkum sem þær
höfðu orðið vitni að.
Samkvæmt niðurstöðum allra vitnaleiðslna er vafalaust að Bandaríkjastjórn
ber meginábyrgð á því að halda við völd herforingjaklíku sem stjórnar með
ofbeldi og ógnunum og útrýmingarhernaði á hendur landsmönnum. Að af-
lokinni þingmannaheimsókn til landamæra Honduras og E1 Salvador í janúar
1981 komst bandaríski fulltrúadeildarþingmaðurinn Barbara A. Mikulski svo að
orði: „Okkar vopn eru notuð til að drepa fólk, fremja hræðileg grimmdarverk,
brenna uppskeru og orsaka alvarlegan fæðuskort. . . að mörgu leyti erum við
alvarlegasta ógnunin í Mið-Ameríku.“
Enn i dag heldur Bandaríkjastjórn áfram að vera helsti útflytjandi vopna og
lögreglutækja til herforingjanna, þrátt fyrir ályktun Allsherjarþings Sameinuðu
þjóðanna 15. desember 1980 þar sem allar ríkisstjórnir heims eru hvattar til að
forðast hvers konar hernaðaraðstoð við E1 Salvador.
V. Siðferðis- og lagaréttur til vopnaðrar uppreisnar
Ibúar E1 Salvador geta ekki náð rétti sínum eftir lýðræðislegum leiðum, þeir
njóta engra slíkra réttinda. Þeir eiga ekki annars kost en að grípa til vopna og
gera uppreisn gegn harðstjórninni. Romero erkibiskup sagði: „Kristnir menn
eru ekki hræddir við að berjast. Þeir kjósa heldur að bera friðarorð. En þegar
harðstjórn treður fótum mannleg réttindi og velferð þjóðar, þegar ástandið
verður óbærilegt og öllum samningaleiðum er lokað, þá hefur kirkjan siðferði-
legan og lagalegan rétt til að gera vopnaða uppreisn.“ Páfabréfið Popularum
Progressio (26. mars 1967) staðfesti óumdeilanlega siðferðilegan rétt kaþólskra
manna að gera vopnaða uppreisn. Biskupaþingið í Nicaragua sumarið 1974
viðurkenndi einnig réttinn til uppreisnar og sá réttur er staðfestur þegar árið
1776, í 2. grein Sjálfstæðisyfirlýsingar Bandaríkjanna.
Dómstóllinn spurði þessarar spurningar: Eru aðstæður slíkar að íbúar E1
Salvador hafi reynst tilneyddir að neyta þessa réttar í heimalandi sínu? Sem svar
við þessari spurningu báru mörg vitni að Salvadorbúum hafi verið neitað um
lýðræðislegar kosningar í fimmtíu ár. Oll þessi ár hefur allt vald í landinu verið
í höndum örfárra fjölskyldna og hersins. Þessi valdahópur hefur notið stuðnings
224