Tímarit Máls og menningar - 01.11.1983, Síða 11

Bréf til Líneyjar Jóhannesdóttnr
’ Erindi mitt er semsé þetta:
Að þakka fyrir uppeldið meðan við unnum saman og alla götu
síðan. Pakka fyrir kynnin af ykkur Helga sem voru svo sterk að enn
hugsa ég eða segi innaní mér: Nú þarf ég að heimsækja Helga og
Líneyju þegar mig langar að tala við þig. Þakka þér fyrir að hafa
t skrifað þitt rismikla líf og ort þitt glæsta heimili ekki síðuren hitt að
hafa með því varðveitt tóninn hreina og komið með hann í sögunum
þínum, tæran og ómengaðan.
Ég held að við þurfum þennan tón núádögum þegar bókmenta-
höndlun er að verða einhverskonar plastbögglauppboð með límmiða-
kerfi.
Einhverntíma kemur kanski að því að bókmentafræðingur gefi sér
tíma að skoða textann þinn og greina myndmál eða hvaðeina annað
sem fellur undir kenningar.
Þann aðila vildi ég líka biðja að skoða textann þinn útfrá því sem
stærra er en kenningar og bókmentir.
Þá kemur gildi hans í ljós.
Lifðu vel og lengi enn og skrifaðu margar bækur til að skemta
okkur sem höfum gaman af því að sjá glampa frá lífinu sjálfu í texta á
bók.
Þinn vinur,
Þorgeir Þorgeirsson
)
481