Árbók Hins íslenzka fornleifafélags - 01.01.2004, Side 88

anum og suður að Hafurbjarnarstöðum, vestan Hólabrekku og Ásgarðs.25
Við þessar framkvæmdir má ætla að völlurinn hafi verið sléttaður og hafa
vafalítið horfið einhver af þeim garðlögum sem Brynjólfur lýsti á þessu
svæði.
Af þeim fornleifum, sem eru norðan og vestan Skagagarðs, þóttu
reinarnar 18 líklegastar til að vera leifar fornra akra eins og Brynjólfur
Jónsson ályktaði. Reinar þessar eru mjög sérstakar og ekki vitað um
aðrar þeim líkar nema ef vera kynni í Svefneyjum þar sem Sigurður Vig-
fússon lýsir akurgirðingum sem virðist svipa til akurreinanna á Garð-
skaga.26 Akurreinarnar eru einna greinilegastar í landi Hólavalla (sjá 6.
mynd) og var ákveðið að taka könnunarskurð þar.
Grafnir voru tveir könnunarskurðir í túninu norðan útihúsa á Hóla-
völlum. Fyrri skurðurinn var 2,85x1,00 m og var þess freistað að nota
sömu aðferð og í Akurey, þ.e. að grafa skurðinn í garð, sem virtist á
mörkum akursins, og láta hann ná út í akurinn; tímasetja garðinn með
gjóskulögum og rekja þau síðan út í akurinn og tengja þau nýtingu hans.
Meðfram túninu að austanverðu er kartöflugarður sem féll úr notkun um
1994. Vesturmörk hans afmarkast af lágum garði sem liggur norður og
FORNIR AKRAR Á ÍSLANDI 87
5. mynd. Meintir sáðreitir í Garðinum. Horft til suðurs af sjávarkambinum í átt til
Hólavalla. Sól er lágt á lofti í vestri. Ljósmyndari Garðar Guðmundsson.