Árbók Hins íslenzka fornleifafélags - 01.01.2004, Qupperneq 119

sem þeir eru sagðir hafa numið. Lönd þeirra eru ekki mikið stærri en
annarra landnámsmanna, en engu er líkara en þeir hafi reynt að vera eins
langt hver frá öðrum og kostur var (1. mynd). Því gæti eitt af því sem
einkennir bústað höfðingja verið fjarlægðin til annarra höfðingja. Sama
mynstur sýnist okkur mega greina í dreifingu stóru fornbýlanna á Lang-
holti og nágrenni (5. mynd).
Á þremur jörðum á Langholti og í nágrenni þess fundum við merki
um búsetu fyrir 1000, á Stóru-Seylu, Reynistað og í Glaumbæ. Á
Víðimýri eru vísbendingar um búsetu snemma, en ekki hefur tekist að
finna þar byggingar. Á Stóru-Seylu er stærsta forna búsetusvæðið sem
við höfum fundið. Eldra bæjarstæðið er um það bil 140 m austan við
gamla bæjarhólinn í jaðri flatlendisins. Á þessum stað virðist vera 3.200
m² svæði með búsetuminjum, en aðeins er búið að grafa þar 5 könn-
unarskurði, alla í útjaðri svæðisins. Í gegnum þetta minjasvæði hefur
verið gerður framræsluskurður sem sker það í tvennt og hefur þar orðið
töluvert rof. Minjarnar þarna virðast flóknar og ekki hefur enn tekist að
greina íveruhús, hvorki með fjarkönnun, borkjörnum eða könnunar-
skurðum (6. mynd). Í þrem skurðum sáust greinilegar vísbendingar um
búsetu fyrir 1000.Af öllum þessum skurðum verður helst ráðið að menn
hafi flutt sig af þessum stað um 1100. Við sjálfan bæjarhólinn er sorp-
haugur sem bæjarlækurinn hefur grafið skorninga í og þar verður helst
séð að búsetan á hólnum hefjist rétt eftir 1100.
118 ÁRBÓK FORNLEIFAFÉLAGSINS
Býli Minjastaður Nr. sýnis Tegund sýnis
Grófargil 3-089-001 AA55486 Bein (Bos taurus)
Glaumbær 3-111-010 AA55489 Bein (Ovis)
3-111-010 AA46688 Kolað tré (Betula pubescens)
3-111-010 AA46689 Bein (Bos taurus)
Stóra-Seyla 3-104-100 AA55484 Bein (Ovis)
Hafsteinsstaðir§ 4-071-001 AA55485 Bein (Ovis)
Reynistaður 4-63-009 Beta 167781‡ Tré (Betula pubescens)
4-63-009 AA46687 Kolað tré (Betula pubescens)
Meðalheimur* 3-111-201 AA55488 Brennt bein (óþekkt)
3-111-201 AA55487 Kolað tré (Betula pubescens)
3. tafla: Kolefnisgreiningar með AMS.