Valsblaðið - 01.05.2015, Side 18

18 Valsblaðið 2015
Framkvæmdir við leikvanginn hafa nú
staðið yfir frá því um miðjan ágúst þegar
sú stóra og umdeilda ákvörðun var tekin
að setja gervigras á aðalleikvanginn í
stað þess að byggja nýjan völl á neðra
æfingasvæðinu við kapelluna. Kveikt var
á fljóðljósunum við aðalleikvang Vals við
hátíðlega athöfn þann 17. desember sl.
Framkvæmdir við að skipta út náttúrulega grasinu fyrir gervi-
gras gengu að óskum og virðast flestir á þeirri skoðun að vel
hafi tekist til og völlurinn standist þær væntingar sem til hans
voru gerðar. Notkun nú í haust hefur verið mjög mikil og frá-
bært að sjá allan þann fjölda stráka og stelpna á öllum aldri sem
æfa á vellinum frá þrjú á daginn og fram í myrkur.
Það var teflt nokkuð djarft þegar ákvörðun var tekin um að
fara strax í lok sumars í þessa framkvæmd vegna allra þeirra
fjölmörgu verkþátta sem framkvæmdin krafðist. En með góðu
skipulagi og samhentu átaki allra hönnuða, verktaka og margra
innan Vals tókst að klára gervigrasframkvæmdina.
Mesta aðstöðubylting í áratugi fyrir fótboltann
Það er mikil tilhlökkun að sjá aðalleikvanginn upplýstan og not-
hæfan allan ársins hring. Fyrir fótboltann í Val er þetta trúlega
ein mesta aðstöðubyltingin í marga áratugi. Nú þegar íþróttin er
æfð árið um kring er upphitaður og upplýstur völlur ekki mun-
aður heldur algjör nauðsyn ef við viljum vera í fremstu röð.
Flóðljósin eru á 24 metra háum möstrum og geta skilað 500
luxa lýsingu, sem gefur mjög góða lýsingu og ásættanleg gæði
fyrir sjónvarpsupptökur þó að nú sé farið að lýsa með allt að
1.100 luxa lýsingu fyrir hágæðaútsendingar í sjónvarpi. Þessi
hæð á möstrunum er í raun algjört lágmark til að ná þessu lýs-
ingarmagni og ein af ástæðum þess að skynsamlegra var að
færa gervigrasvöllinn á aðalleikvanginn því á neðra svæðinu
höfum við aðeins leyfi fyrir 18 metra háum möstrum sem engin
leið er að láta skila 500 luxa lýsingarstyrk.
Reykjavíkurborg mun sjá um rekstur, viðhald og endurnýjun
gervigrassins eins og á öðrum völlum í Reykjavík. Þetta er
mikil vægt framfaraskref fyrir Val því allir þessi þættir eru
kostnaðarsamir. Það er einnig mjög mikilvægt að viðahald og
umhirða sé í hæsta gæðaflokki eigi völlurinn sjálfur að halda
þeim gæðastaðli sem krafa er gerð til.
Eftir Brynjar Harðarson
Umbylting á
aðalleikvangi Vals
Það var mikill tregi sem skapaðist þegar náttúrugrasið
var fjarlægt í grænum sumarskrúða
Brynjar Harðarson framkvæmdastjóri
Valsmanna hf. bregður á leik.