Valsblaðið - 01.05.2015, Blaðsíða 52

52 Valsblaðið 2015
Eftir
Jónas Guðmundsson
Allt frá því að hafist var
handa við að byggja nýtt
íþrótthús og keppnisvöll
að Hlíðarenda árið 2004
hafa verið uppi hugmyndir
um byggingu knatthúss.
Uppbyggingarstarfið hefur
frá upphafi verið leitt af þeim
Brynjari Harðarsyni, áður
formanni Valsmanna hf. og nú
framkvæmdastjóra félagins og
Kristjáni Ásgeirssyni, arkitekt
Með deiliskipulagi 2002 var knatthús
fyrst sett inn á framtíðarskipulag Vals.
Þar var gert ráð fyrir knatthúsi með velli
í fullri stærð. Skömmu eftir hrunið var
ákveðið að endurmeta þörfina fyrir
knatthús. Var deiliskipulagi Hlíðarenda
breytt á þann veg að hægt væri að byggja
hálft knatthús og forbyggingu eða heilt
knatthús. Í framhaldi af því var sett á
laggirnar þarfagreiningarnefnd um knatt-
hús. Nefndin aflaði sér gagna um knatt-
hús víða að og taldi eftir þá skoðun, að
knatthús yfir hálfan keppnisvöll væri
besti og hagkvæmasti kosturinn fyrir Val.
Það væri dýrt að byggja stórt knatthús og
knatthús yfir hálfan völl væri hagstæð
rekstrarstærð. Slíkt hús mundi uppfylla
allar æfingaþarfir Vals og ekki væri þörf
á eða rekstrargundvöllur fyrir nýju
keppnishúsi í Reykjavík. Tillagan um
forbyggingu að knatthúsinu gengur út á
að þar verði rekinn leikskóli á 1. hæð og
námsmannaíbúðir verði á efri hæðum.
Hægt yrði að ná mikilli hagkvæmni með
að samnýta húsnæði leikskólans og
knatthússins. Nefndin taldi að rekstur
forbyggingarinnar væri mikilvægur liður
í að tryggja Val öruggar framtíðartekur.
Með betri aðstæðum í íslensku þjóð-
félagi fóru að heyrast raddir um að þessar
forsendur ættu ekki lengur við og Valur
ætti að byggja knatthús í fullri stærð frek-
ar en hús yfir hálfan völl. Jón Gunnar
Zoëga, fyrrverandi formaður Vals og
Guðni Bergsson voru helstu talsmenn
þessara sjónarmiða. Þeir töldu eftir-
spurnina eftir knatthúsi mun meiri en
þarfagreiningarnefndin hafði metið og
jafnframt að mikil þörf væri fyrir nýtt
keppnishús fyrir knattspyrnu í Reykjavík.
Það varð úr að Brynjar Harðarson fékk
greinarhöfund til að taka saman upplýs-
ingar um kosti í knatthúsmálum. Hann
aflaði gagna bæði hérlendis og erlendis
og sérstaklega frá þeim aðilum sem
byggt hafa knatthús á Íslandi. Hann fékk
til samstarfs Guðna Bergsson og Jóhann
Má Helgason framkvæmdastjóra Vals.
Jafnframt var reglulega rætt við Brynjar
Harðarson og ábendingar fengnar hjá
Kristjáni Ásgeirssyni.
Farið var í skoðunarferðir í flest þeirra
knatthúsa sem byggð hafa verið á Ís-
landi. Rætt var við rekstraraðila þeirra og
fengnar upplýsingar um húsin, kosti
þeirra og galla og hvað læra mætti af
reynslu þeirra sem byggðu og hafa rekið
húsin. Þá var borinn saman byggingar-
og rekstrarkostnaður húsanna.
Í stuttu máli má segja að valkostirnir
séu fjórir:
1. Loftblásið hús líkt og íþróttahúsið í
Hveragerði.
2. Stálgrindarhús klætt með dúk eins og
hús FH í Hafnarfirði.
3. Hefðbundið einangrað hús án upphit-
unar.
4. Hefbundið einangrað hús með upphitun.
Ein helsta forsenda þarfagreiningar-
nefndarinnar fyrir því að byggja knatthús
yfir hálfan keppnisvöll var að kostnaður
við að byggja knatthús yfir heilan keppn-
isvöll væri of mikill. Var sú skoðun
byggð á raunkostnaði þeirra húsa sem
byggð hafa verið og á skýrslum verk-
fræðinga sem metið hafa byggingar-
kostnað knatthúsa mjög háan. Því var
byggingarkostnaður einn fyrsti þátturinn
sem kannaður var. Við athugun í Noregi
þar sem byggð hafa verið fleiri knatthús
en í öðrum löndum, kom í ljós að félög
og sveitarstjórnir hafa leitað ódýrari
leiða við byggingu knatthúsa. Þar hafa
síðustu ár verið byggð mörg minni og
einfaldari knatthús, uppblásin hús, stál-
grindarhús klædd með dúk og stálgrind-
arhús með samloku klæðningum. Bygg-
ingarkostnaður hefur lækkað og sífellt
fleiri sveitarfélög og knattspyrnufélög
hafa treyst sér til að byggja knatthús.
Það var niðurstaða athugunarinnar að
mögulegt ætti að vera að byggja ódýrara
knatthús að Hlíðarenda en áður hafði
verið talið. Uppblásin hús voru ekki talin
valkostur vegna þess að nýting þeirra er
Knatthús að Hlíðarenda
Það var niðurstaða
athugunarinnar að
mögulegt ætti að vera
að byggja ódýrara
knatthús að Hlíðarenda
en áður hafði verið talið
Abrahallen, sem er æfingahöll Rosenborg
í Noregi. Dagsbirtu er veitt inn um gafla.