Valsblaðið - 01.05.2015, Blaðsíða 47

Valsblaðið 2015 47
yfir í Stjörnuna. Guðríður hefur líklega verið í 4. fl. eða að ganga
upp í 4. fl. þegar hún flutti í Garðabæ og skipti í Stjörnuna.
Valur gengur fyrir
Það gefur mér mjög mikið að hafa verið í stjórnum og ráðum
fyrir Val allan þennan tíma og hafa fengið tækifæri til þess í
svona langan tíma að vinna fyrir knattspyrnuna í Val. Það eru
alltaf ótal atriði sem þarf að græja fyrir hvern heimaleik, stór og
smá. Þegar allir leggjast á eitt þá gengur framkvæmd leikjanna
snurðulaust fyrir sig utan vallar. Ég hef kynnst svo mörgu góðu
fólki sem ég hef unnið með. Framkvæmdastjórar félagsins og
starfsfólk allt er alltaf reiðubúið til aðstoðar sjálfboðaliðum eins
og það getur, en félag eins og Valur á líka svo mikið undir því
að það séu vinnufúsar hendur sjálfboðaliða tilbúnar til að taka
þátt í starfinu. Annars gengur það ekki upp. Ég sinni engum
öðrum áhugamálum og langar ekki til þess á meðan ég get unn-
ið fyrir Val. Félagið gengur fyrir hjá mér eins og er. Þannig hef-
ur það verið og verður það meðan ég stend í þessu.
Ég er yfirleitt alltaf mjög ánægður með Val og mjög stoltur af
því að vera Valsari. Oft er þó auðvitað eitthvað sem betur má
fara og ljóst er að félagið stendur á áhugaverðum tímamótum
núna vegna þeirra miklu framkvæmda sem fyrir dyrum eru. Sú
breyting mun efla starf félagsins og auka vegferð þess. Því trúi
ég og er kannski ánægðastur með það í augablikinu fyrir nú
utan það að eiga þess kost að leggja starfi félagsins lið á því
sviði sem ég hef komið að.“.
Þorgrímur Þráinsson
tók saman
„Ég er fæddur og uppalinn á Vopnafirði svo ekki er um það að
ræða að ég hafi æft eða spilað fyrir Val. Sem unglingur í fót-
bolta tók ég ástfóstri við Val, þó að langflestir í kringum mig
héldu með ÍA eða KR. Það er erfitt að fullyrða það núna hvað
varð til þess að ég „valdi“ Val sem „mitt félag“ en langlíklegast
er þó úr hvaða jarðvegi félagið spratt á sínum tíma, sigurhefðin
og síðast en ekki síst heillaði búningurinn. Í dag er ég mjög
stoltur af þessari gömlu ákvörðun minni.
Gripinn í foreldraráðið
Félagsstörf mín fyrir Val hafa í gegnum tíðina verið á vettvangi
fótboltans. Æfingar dætra minna í yngri flokkum Vals færðu
mig enn nær félaginu og fyrir það er ég mjög þakklátur. Fór að
fylgja þeim eftir á æfingum og mótum, þeirri eldri frá 1995 eða
1996. Var „gripinn“ í foreldraráð í flokknum og starfaði þar í
fjáröflunum og öðru sem snýr að slíku starfi og allir foreldrar
barna í íþróttum þekkja. Eftir starf í foreldraráði um fjögurra til
sex ára skeið tók ég að mér formennsku í barna- og unglinga-
ráði. Það hefur verið 2003 eða 2004 og var ég formaður þess
allt þar til það var lagt niður við skipulagsbreytinguna miklu.
Unglingaráð í samstarfi við Þorstein Ólafs, beitti sér fyrir því
að leggja til hliðar kynbundin verðlaun fyrir dreng í 3. flokki og
tókum þess í stað upp að veita stúlku og dreng í 3. flokki Frið-
riksbikarinn og er hann kenndur við séra Friðrik Friðriksson
æskulýðsleiðtoga og stofnanda Vals. Verðlaun þessi hafa verið
veitt árlega á uppskeruhátíð yngri flokka frá 2004 og eru veitt
þeim leikmönnum í 3. flokki stúlkna og drengja sem sýnt hafa
mestan félagslegan þroska og verið öðrum Valsstúlkum og Vals-
drengjum til fyrirmyndar, innan vallar sem utan.
Sem formaður unglingaráðs átti ég sæti í stjórn knattspyrnu-
deildar og svaraði þar fyrir rekstur yngri flokkanna og þjálfara-
mál sem voru eingöngu á hendi ráðsins í fyrstu og áður en
íþróttafulltrúi var ráðinn til félagsins. Þegar ég hætti sem for-
maður unglingaráðs, og hætti þar með afskiptum af yngri flokka
starfinu, þróuðust málin á þann veg að ég fór að sinna sjálf-
boðaliðastarfi á heimaleikjum karla og kvenna og hef stýrt því
starfi í nokkur á sem formaður heimaleikjaráðs á vegum stjórnar
knattspyrnudeildar. Hef setið samfellt í stjórninni nánast frá
þessum tíma og til dagsins í dag. Jafnframt heimaleikjaráðinu
tók ég við formennsku í kvennaráði Vals haustið 2014 og held
því áfram 2015–2016.
Stelpurnar fóru í Stjörnuna
Ég á tvær dætur sem æfðu báðar með Val. Sú eldri, Kristín er
fædd 1988 og sú yngri Guðríður 1991. Þrátt fyrir búsetu í Laugar-
neshverfinu varð Valur fyrir valinu hjá þeim báðum. Sú eldri byrj-
aði líklega að æfa 1995 og það var bara einfaldlega keyrt á æfing-
ar allt upp í fimm sinnum á viku yfir sumarið. Þær voru fjórar
sem sóttu æfingarnar úr Laugarnesskóla og foreldrarnir skiptu
þessum akstri með sér. Kristín spilaði upp í 2. flokk en skipti þá
Frá Vopnafirði í Val
Jón Höskuldsson hefur unnið á bak við tjöldin hjá Val í tæp 20 ár
Jón Höskuldsson með Dönunum Mathias Schlie, Patrick
Pedersen og Thomas Guldborg Christensen á Laugardalsvelli
eftir sigur á KR í bikarúrslitaleiknum í sumar. Mynd Þorsteinn
Ólafs.