Valsblaðið - 01.05.2015, Qupperneq 114

114 Valsblaðið 2015
Starfið er margt
Það er á ársgrundvelli 155 skiptum oftar
en ég hljóp að jafnaði áður en ég rápaði
inn á nýliðakynningu í október 2014. Frá
því að Reykjavíkurmaraþonið byrjaði
hafði ég hlaupið nákvæmlega einu sinni
á ári, þriðja laugardag í ágúst.
Ég hafði efasemdir um að ég ætti er-
indi í skipulagðan hlaupahóp. Skuldbind-
ingar. Erfitt. Eftirbátur. Ósigrar. En ég
mætti og síðan hefur gleðin verið svika-
laus. Ég held ekki í við maraþonhlaupar-
ana en æfingarnar eru misjafnar og við
reynum að halda hópinn framan af. Mér
finnst mikill kostur að geta skokkað á
æfingu í hverfinu – og þá kemst maður
líka auðveldlega heim ef maður vill
stytta æfinguna eða hinir kappsfullu
stinga mann af.
Valur skokk 8 ára
Valur skokk er átta ára um þessar mund-
ir, í hópnum er 20–30 manna kjarni, það
er aðhald að vita af félögunum á æfingu
en aðhaldið er milt og enginn lítur neinn
hornauga fyrir að missa úr eitt og eitt
skipti. Það er pláss fyrir alla. Ef við snú-
um okkur eða komum illa niður er gott
að eiga vísa uppörvun og ef maður er
félagsvera er ekki hægt að hugsa sér
betri hóp til að kynnast og umgangast.
Eins og ég sagði hafði ég skokkað einu
sinni á ári áður en ég uppgötvaði Val
skokk, 7 km meðan þeir voru í boði og
10 km eftir það. Nú er ég búin að skokka
eitt hálfmaraþon og set stefnuna á annað
hálft eða mitt fyrsta heila í utanlandsferð
skokkhópsins haustið 2016. Það er nefni-
lega upplagt að takast á við nýjar áskor-
anir alla ævi.
Varstu ekki einmitt að velta þessu
fyrir þér? Þá skora ég á þig að mæta á
Hlíðarenda.
Berglind Steinsdóttir,
fyrrverandi nýliði
Stjórnlaus gleði –
og líka árangur
Valur skokk æfir þrisvar í viku, á þriðjudögum og
fimmtudögum kl. 17:30 og laugardögum kl. 9:30
Frá Hlíðarenda þarf ekki að hlaupa
langar leiðir til að komast í
blómabreiðu á sumrin.
Hildur og Garðar teygja hvort
með sínu móti í Öskjuhlíðinni.
Þjálfarinn fagnar því að komast
fyrstur í harðfiskinn á Þúfunni
(eftir Ólöfu Nordal) úti á Granda.
Upphitun fyrir árshátíð
fólst í ratleik, auðvitað
í felubúningum!