Valsblaðið - 01.05.2015, Blaðsíða 72

72 Valsblaðið 2015
Jón Viktor Gunnarsson er skákmeistari
Vals annað árið í röð en hann varð lang-
efstur á skákmóti Vals sem fram fór í
Lollastúkunni í félagsheimili Vals að
Hlíðarenda. Jón Viktor átti titil að verja
þar sem hann vann Valsmótið einnig í
fyrra sem jafnframt var minningarmót
um hinn dáða Valsmann og skákunnenda
Hermann Gunnarsson. Sigur Jóns Vikt-
ors var afar öruggur en hann hlaut 7½
vinning af 9 mögulegum. Jón Viktor náði
snemma forystunni og hélt henni til loka.
Næstir komu stórmeistarinn Jón L.
Árnason og Ingvar Þ. Jóhannesson en
þeir hlutu 6½ vinning hvor. Efstur og þar
með sigurvegari í flokki 16 ára og yngri
var Gauti Páll Jónsson en hann hlaut 5
vinninga. Tefldar voru níu umferðir og
tímafyrirkomulagið var 5 2.
Aðalskákstjóri mótsins var Helgi
Ólafsson en honum til aðstoðar voru
Gunnar Björnsson forseti SÍ og Stefán
Bergsson en þeir voru einnig á meðal
keppenda sem voru 31 talsins. Í stuttri
ræðu fyrir mótið sagði Helgi frá því að
eftir að VALS-HRÓKURINN fannst fyr-
ir nokkrum árum síðan hafi Valsmótið –
og keppninni um þennan timbraða bikar
– verið reist við og það hafi gerst með
móti sem haldið var í Lollastúkunni vor-
ið 2013. Þá var Hermann Gunnarsson
meðal keppenda en hann lést nokkrum
vikum síðar. Halldór Einarsson HEN-
SON gerði sögu VALS-HRÓKSINS
nokkur skil í stuttu ávarpi og síðan var
Ragnar Gunnarsson, bróðir Hemma
Gunn, fenginn til að leika fyrsta leik
mótsins en það gerði hann fyrir Jón L.
Árnason sem tefldi við Gauta Pál Jóns-
son í fyrstu umferð.
Meðal verðlauna voru árskort á leiki Vals
í efstu deild Íslandsmótsins í knatt-
spyrnu, Valstreyja sem leikmenn Vals á
fjórða áratug síðustu aldar íklæddust í
kappleikjum en nokkrar treyjur voru
endurhannaðar af HENSON í tilefni af
100 ára afmæli Vals 11. maí 2011. Við
mótslit fengu allir þátttakendur 20 ára og
yngri keppnistreyju frá HENSON.
Félagsstarf
Jón Viktor Gunnarsson
er skákmeistari Vals
annað árið í röð
Jón Viktor Gunnarsson sigurvegari
skákmóts Vals 2015 og handhafi
Hróksins.
Gauti Páll Jónnson sigurvegari í flokki
16 ára og yngri með Helga Ólafssyni
sem var aðalskákstjóri mótsins.
Halldór Einarsson HENSON fer yfir
sögu Hróksins en hann gaf einnig flesta
vinninga á mótinu.
Ragnar Gunnarsson bróðir Hermanns
Gunnarssonar leikur fyrsta leikinn á
mótinu.