Valsblaðið - 01.05.2015, Side 74

74 Valsblaðið 2015
Á meðan á viðtalinu stóð komu nokkr-
ir viðskiptavinir Lárusar til að skila
bökkum eða gera upp. Luku þeir allir
upp miklu lofsorði á framleiðsluna og
Lárus sjálfan: „Þú ert snillingur“ sagði
einn og bætti við … „og meistari líka.“
Ekki slæm byrjun á þriðjudegi í byrjun
nóvember.
Einn þeirra tók fram að veitingarnar
hefðu gert það mikla lukku að sennilega
myndu mikil viðskipti fylgja í kjölfarið.
Ég bjóst við að Lárus tækist allur á loft
og sæi fram á annatíma og mikinn biss-
ness, en Lárus sagði á sinn hæverska hátt
að hann vildi nú ekkert endilega fá fleiri
viðskiptavini því á næstu árum stæði til
að fara að draga saman seglin. Draga
saman seglin? Eldist Lárus Loftsson?
Þetta leiddi hugann til ársins 1964 er
leiðir okkar lágu fyrst saman. Það hafa
vissulega liðið mörg ár en Lárus hefur
ekkert breyst, allavega ekki í anda. Gef-
um nú Lárusi orðið:
„Það er einfalt að segja frá því hvers
vegna ég gekk í Val. Ég bjó í Eskihlíð-
inni og var ekki nema tvær eða þrjár
mínútur að hlaupa niður á Valsvöll. Það
var leikvöllurinn alla daga frá morgni til
kvölds. Ég var svona átta ára. Ég kynnt-
ist þarna þeim mönnum sem stjórnuðu
Val á þessum tíma, Sigurði Ólafssyni,
Úlfari Þórðarsyni, Frímanni Helgasyni
og svo auðvitað Sigurði Marelssyni sem
var unglingaleiðtogi Vals á þessum árum.
Við bárum mikla virðingu fyrir Sigurði.
Hann leiddi okkur í gegnum þetta allt
saman. Hann var ekki þjálfari en sá um
þetta félagslega, hélt fundi og sýndi
kvikmyndir. Það var alveg meiri háttar.“
Fenguð þið skipulega þjálfun?
„Neei …“ sagði Lárus, „Það voru
þessir kallar eins og Sigurður Ólafsson
sem leiðbeindu okkur í 5. flokki. Sigurð-
ur var svo með okkur á inniæfingum yfir
vetrartímann í gamla íþróttahúsinu sem
þá var reyndar alveg nýtt. Þetta var meira
svona leikur. Svo fylgdumst við af lotn-
ingu með meistaraflokki félagsins. Þarna
voru m.a. Árni Njáls, Helgi Dan, Elli
Hergeirs, Friðjón, Ægir, Björgvin Her-
manns og allir þessir strákar sem urðu Ís-
landsmeistarar 1956. Þetta voru stjörnur.
Maður sökkti sér alveg í þetta – alveg
óborganlegur tími. Skotinn Murdo
McDougal var eiginlega fyrsti þjálfarinn
minn. Það var ekki fyrr en í fjórða flokki.
Við urðum reyndar Íslandsmeistarar. Ég
lék þar með strákum eins og Svenna Alf-
ons, Hemma Gunn og fleirum. Svo æfði
ég upp alla yngri flokkana.“
Síðastliðið sumar var hálf öld liðin frá
því að 5. flokkur Vals hampaði Íslands-
meistaratitli á Melavellinum. Ógleyman-
leg stund sem enn lifir í minningunni. Nú
eru þessir strákar komnir, þótt ótrúlegt
megi virðast, á sjötugsaldurinn. Hópurinn
kom saman í sumar sem leið og minntist
þessa atburðar (sjá sérstaka umfjöllun í
blaðinu). Þjálfarar liðsins árið 1965 voru
þeir Karl Harry Sigurðsson og Lárus
Loftsson. Lárus var einn farsælasti barna-
og unglingaþjálfari Vals frá upphafi.
Hann er einn þeirra sem alla tíð hefur
haldið tryggð við Val og á þeim vettvangi
deilt sinni jákvæðu lífssýn og hugarfari til
fjölda ungmenna og félagsins í heild.
Blaðamaður Valsblaðsins settist niður
með Lárusi á fallegum nóvembermorgni
í fyrirtæki hans Veisluþjónustunni sem
hann hefur starfrækt frá árinu 1988.
Eftir Jón Guðmundsson
Lárus Loftsson:
„Ég lifði og
hrærðist í Val“
Lárus með Gordon Rouge orðuna
sem samtök matreiðslumeistara á
Norðurlöndum veitir fyrir vel
unnin störf, fagleg og félagsleg.