Skagfirðingabók - 01.01.1985, Blaðsíða 46
SKAGFIRÐINGABÓK
maðurinn Magnús Guðmundsson, var hins vegar í fyrstu stjórn
Skagfirðingafélagsins eins og fram kom hér á undan.
An þeirrar miklu vakningar, sem nú hefur verið minnst á,
vakningar Skagfirðinga sjálfra heima og heiman, hefðu
stjórnvöld ekkert aðhafst. Það kemur greinilega fram í alþingis-
umræðum 1937 þegar Varmahlíð er sett inn í lög um héraðs-
skóla frá 1929 eftir allmiklar umræður og deilur. Þessi áfangi, að
fá Varmahlíð inn í héraðsskólalögin, var mikill sigur fyrir
Varmahlíðarfélagið. Þannig var tryggður ríflegur stuðningur
ríkissjóðs við skólann, þó að eitthvað gæti dregist að hann yrði
veittur. En jafnframt kallaði slíkur stuðningur á framlag héraðs-
ins á móti. Jónas Jónsson kemst svo að orði í alþingisumræðun-
um 1937:
Það sem Skagfirðingar hafa ákveðið, er að fá þarna sund-
laug, síðan unglingaskóla, sem notaður verður sem gisti-
hús á sumrin. Þetta mun taka mörg ár, en þeir óska þess
að verði héraðsskólalögunum breytt, þá verði þessi staður
tekinn inn í þau. Svo verða framkvæmdirnar vitanlega að
bíða, þar til þeir hafa peninga og þar til ríkið hefur
peninga til þess að hefjast handa (Alþ. tíð., 295).
Saga Varmahlíðarfélagsins verður ekki rakin í þessum þætti.
Um hlutdeild Árna í Vík í því er það að segja, að hann var
aðalhvatamaður að stofnun þess og fyrsti formaður. Gegndi
hann formannsstörfum til ársins 1943. Þá var hann einnig fyrsti
formaður skólanefndar Varmahlíðarskóla, skipaður af fræðslu-
stjórn. Þessi nefnd tók til starfa 1941 og tók við „aðalfram-
kvæmdastjórn félagsins í Varmahlíð". I þeirri nefnd áttu fjórir
aðrir sæti, þeir Sigurður Sigurðsson sýslumaður og Jón á Hofi,
tilnefndir af sýslunni, og Pétur Hannesson og Olafur á Hellu-
landi, tilnefndir af Varmahlíðarfélaginu. Umboðsmaður skóla-
nefndarinnar í Reykjavík var Pálmi Hannesson rektor. Á for-
mannsárum Árna er mikið undirbúningsstarf í þágu Varma-
hlíðar unnið við erfiðar aðstæður, efnisvöntun, dýrtíð og fólks-
eklu. Skal hér nefnt hið helsta, en þegar hefur verið minnst á
44