Skagfirðingabók - 01.01.1985, Blaðsíða 47

ÁRNI í VÍK
stofnun átthagafélaganna, lögin um héraðsskóla í Varmahlíð og
kaupin á Reykjarhólseignunum.
1) Arin 1938 og ’39 er myndarleg sundlaug gerð í Varmahlíð.
Þar efndi félagið til árlegra sundnámskeiða. Kennari á þeim
námskeiðum var sá merki íþróttafrömuður Guðjón Ingimund-
arson, en hann kom fyrst til Skagafjarðar á vegum Varma-
hlíðarfélagsins vorið 1940. Guðjón stjórnaði einnig
frjálsíþróttanámskeiðum í Varmahlíð. Sundnámskeiðsfólk kom
oft langt að, m. a. frá Blönduósi, Sauðárkróki og Hofsósi. — Til
sundlaugarsmíðinnar lagði Varmahlíðarfélagið drjúgan skerf,
en einnig komu til styrkir hins opinbera. Þá lagði ungmennafé-
lag Seyluhrepps fram mikla sjálfboðavinnu. — Þess má geta
varðandi sjálfboðavinnuna, að um þetta leyti var allmikið rætt
um þegnskylduvinnu æskunnar í landinu. Kom slíkt einnig til
umræðu á fundum Varmahlíðarfélagsins og tengdist nám-
skeiðunum og fegrun umhverfis staðarins.
I sundlauginni var keppt um Grettisbikarinn á vori hverju.
Var hann gjöf Skagfirðingafélagsins í Reykjavík til Varma-
hlíðarfélagsins. Gísli Jónasson skólastjóri afhenti Arna í Vík
þennan bikar við opnun laugarinnar árið 1939. Fyrsti sigurveg-
arinn í keppninni um Grettisbikarinn var sá góðkunni íþrótta-
maður Kári Steinsson.
2) Bústjóri í Varmahlíð og umsjónarmaður með eignum félags-
ins og starfsemi þess var ráðinn árið 1941 Halldór Benediktsson
á Fjalli. Nafn hans hefur æ síðan verið tengt framfaramálum
Varmahlíðar, og hann var formaður skólanefndar Varmahlíðar-
skóla þegar sá glæsilegi skóli var loks reistur kringum 1970.
3) Húsið í Varmahlíð var stækkað 1942 og rekið sem veitinga-
hús á sumrin, en á veturna voru þar haldin námskeið í matar-
gerð og handavinnu undir leiðsögn Rannveigar Líndal. Þessi
námskeið Rannveigar, ásamt íþróttanámskeiðum Guðjóns Ingi-
45