Skagfirðingabók - 01.01.1985, Síða 100
SKAGFIRÐINGABÓK
vera þangað til hann gæti numið af honum að lesa. Foreldrar
drengsins veittu honum þessa bón. Eigi er þess getið, hvað lengi
maðurinn var að undirvísa drengnum. En hins er getið, þá
maðurinn var farinn í burtu, þá var engin bókin til á bænum,
sem drengurinn gæti æft sig á að lesa. Foreldrar hans réðu
honum þá til að biðja prestinn að lána sér bók. Þetta þykir Guð-
mundi óskaráð. Presturinn var Björn,1 er lengi var prestur í Ból-
staða[r]hlíð og nafnkunnur er enn. Nú fer þá Guðmundur til
kirkju að Bólstaða[r]hlíð og hefur erindi sitt í huga. Þá úti er
messa, fer hann að íhuga framkvæmd erindis síns, finnst honum
sér ómögulegt að bera þetta mál upp við prestinn, svo drengur-
inn fór heimleiðis um kvöldið svo búinn. Foreldrar hans hvöttu
hann á ný að herða upp hugann og halda erindinu fram, þá næst
bæri að messa á Bólstaða[r]hlíð. Drengur fellst á þetta. I næsta
sinn, þá embættað var í Bólstaða[r]hlíð, fer hann enn til kirkju
og hlýðir messu, en sem messu er lokið, fer fólk að tínast burtu,
en drengurinn staldrar við og reikar til og frá um bæjarhlaðið.
Presturinn veitir þessu eftirtekt og spyr dreng því hann fari ekki
heim til sín eins [og] hann sé vanur. Nú var þá prestur búinn að
stinga á meininu með því að ávarpa dreng með spurningunni,
svo hann segir presti erindi sitt. Eins og nærri má geta gladdist
prestur við erindisvissuna, lánaði hann drengnum Biblíuna. Um
kvöldið kom hann heim heldur en ekki rólegur í anda. Þetta var
um sumartíma, því vinna Guðmundar var að sitja hjá ám föður
síns. Næsta dag fer hann með ánum að vanda, og hefur með sér
bókina og fer nú að lesa. Þá verður hann þess var, að hann getur
ekkert skilið það er hann les. A þessu veit hann ekki, hvernig
geti staðið. Hann sér þá, að strik liggur upp og ofan eftir miðju
blaðsíðunnar. Dettur honum þá í hug, að hann eigi einungis að
lesa línuna að áðurnefndu striki, fer hann því2 og reynir þetta
1 Björn Jónsson (1749—1825). Hann fékk Bergsstaði 1784. Setti bú í Bólstað-
arhlíð og bjó þar til dauðadags, en byggði öðrum prestssetrið (Bergsstaði).
Sjá Isl. æviskrár.
2 Eða þá. Óljóst í hdr.
98