Skagfirðingabók - 01.01.1985, Síða 59
LIFNAÐARHÆTTIR SKAGFIRÐINGA
Á 19. ÖLD
eftir EIRÍK EIRÍKSSON frá Skatastöðum
í LBS. 3199 4'° eru margvísleg aðföng sr. Jónasar Jónassonar í
Islenzka þjóðhætti, bréf, uppskriftir, seðlasafn um ýmsa þætti
sjómennsku, ósamstæðir seðlar og ritgerð sú, sem hér fer á eftir. Á
forsíðu hennar stendur: „mun vera frá Eiríki á Skatastöðum." Hér
er því slegið föstu, og liggja til þess óyggjandi rök. Höfundur segist
vera fæddur 1828, alinn upp og heimilisfastur í dölum Skagafjarðar.
Hann nafngreinir tengdamóður sína, Guðríði Jónsdóttur, og loks
má nefna orð sr. Jónasar á Hrafnagili. Á seðla með efni úr ritgerð-
inni hefur hann skrifað: „Ritað hefur Eiríkur Eiríksson frá Skata-
stöðum 1894“ og fær ártalið ekki staðizt, en á öðrum seðli stendur:
„ritað um 1890.“ Af efni ritgerðarinnar má ráða, að Eiríkur hefur
lokið samningu hennar 1893, síðasta árið sem hann lifði.
Eiríkur Eiríksson fæddist 11. júlí 1828 1 Héraðsdal, sonur Eiríks
Jónssonar bónda þar og konu hans, Margrétar Árnadóttur frá
Skatastöðum. Eiríkur hóf búskap í Héraðsdal árið 1853, en fór
byggðum að Skatastöðum árið 1856 og bjó þar til 1890. Eiríkur var
greindur maður og glöggskyggn, svo sem ritgerðin ber ljóst vitni
um. „Mun hann að ýmsu leyti hafa þótt sómi sinnar stéttar, þó að
sumir þar væru honum fremri að búhyggju. Var hans jafnan minnzt
sem öðlingsmanns" segir í Skagfirzkum æviskrám. Eiríkur kvæntist
um 1853 Hólmfríði Guðmundsdóttur frá Bjarnastaðahlíð, Jóns-
sonar, og Guðríðar Jónsdóttur. Þau eignuðust átta börn, og dóu
fimm þeirra í æsku, en upp komust Sveinn, Árni og Brynjólfur, og
er frá þeim kominn mikill ættbogi.
57