Skagfirðingabók - 01.01.1989, Blaðsíða 190
SKAGFIRÐINGABÓK
Ministerial- og copiubækur eru framvísaðar, nefni-
l(ega) gömul ministerialbók í glósnaformi frá 1776-
1817, sem er í brotum, og sálnaregistur frá sama dato
til 1780, samt copiubók, hvertveggja í sama ásigkomu-
lagi, og nýjar lögskipaðar ministerialbækur samt sálna-
registur nýtt, sem allt meinast allvel haldið.1
Ljóst er af þessu að ministerial- eða prestsþjónustubókin
frá 1759-1769 hefur verið glötuð árið 1828, eða a.m.k komin
á flæking. E.t.v. hefur síra Þorkell tekið við henni og skráð
embættisverk sín í hana til ársins 1776. Þá fitjar hann upp á
nýrri bók, sem notuð er til ársins 1817. Þá bók hefur Jón
Konráðsson handleikið vorið 1828, en því miður hefur hún
glatazt síðar á 19. öld. Jón prófastur segir að bókin sé í
glósnaformi. Það bendir til að hún hafi ekki verið skipulega
færð, öllu fremur safn minnisgreina. Auk þess er hún sögð í
brotum, sem þýðir annaðhvort, að einhverjar eyður hafi
verið í henni, eða hún sundurlaus.
Sálnaregistrið er enn til. Fremst í því er ein síða úr sálna-
registri frá árinu 1770 (Reykir, Hvammur, Hrafnhóll). En
auk þess eru þar árin 1776, 1779 (brot), 1780, 1781 og 1782.
Aftast eru fjórar opnur strikaðar og óútfylltar. Arið 1782
áritar Hálfdan Einarsson bókina: „Vidi, Probante. H. Ein-
arsson.“ Það útleggst: „Séð, gefin góð umsögn. Hálfdan
Einarsson.“ Hálfdan fór í raun með biskupsvald í Hólastifti
á árunum 1779-1782, að undanteknu einu ári, þegar Jón
Teitsson var biskup.2
Nú nýlega hefur Loftur Guttormsson sagnfræðingur birt
grein um ritun kirkjubóka á 18. öld.3 Hann kemst að þeirri
1 Skjalasafn prófastanna XVII A6, Visitazíubók 1823-1835.
2 Sálnaregistrið er nú bundið skakkt inn, þannig að 1776 kemur á milli 1780 og
1781. Sálnaregistrið 1779 nær yfir eftirtalda bæi: Garðakot, Neðra-Ás, Efra-
Ás, (Brekkukot, Grafarkot og Víðines).
3 Loftur Guttormsson: „Við rætur kirkjulegs regluveldis á íslandi." Saga 1987,
bls. 47-85. (Einkum 55-58).
186