Jón á Bægisá - 01.04.1997, Side 67

Mýralogi
3
hringsólið um ástríðuna
slegill ullinseyra slagæð bláæð
svellandi blóð
hjartað marandi í því
heilinn gagnsýrður
baðaður í því
gervöll brakandi raforka líkamans
flóknar raflagnir tauganna
glæddar af funa blóðs
dælan og æðaslátturinn
við hittumst í blóðbankanum
og lágum á beddum hlið við hlið
blóð okkar þræddi eigin leiðir í flöskurnar
meðan við störðum uppí loftið
og reyndum að ráða í dulmálið
merkjamál landafræði
í táknunum fyrir ofan okkur
takosonas medtonon rovecavun
á eftir drukkum við kaffi og átum kleinuhringi
töluðum um ákvörðunarstað blóðsins sem við gáfum
og veltum fyrir okkur hvort það kæmi saman
í einhverjum öðrum líkama
og við vorum lúin eftir blóðmissinn
lúin einsog við hefðum nýlokið ástarleik
einsog blóðgjöf okkar væri samsæri
sem á einhvern hátt tengdist sársauka og missi
við kvöddumst
og skiptumst á óljósum vísbendingum um
að aftur kynnum við fyrir tilviljun að hittast
4
nauðung lífsvökvans:
frævill bikarblað krónublað lauf
ólga blaðgrænunnar
sem missir safann í grænkuna
hárpípukraftar djúpt í mold
hver fruma gagnsósa af lífsvökva
laufin umleikin honum
á JBayúiá - HVAT? TALA THU ISLENZKU?
65