Jón á Bægisá - 01.04.1997, Blaðsíða 119

Höfundar
David Arnason er fæddur 1940 í Gimli í Manitoba, stundaði nám
við Manitobaháskóla en var síðan skólakennari í Arborg og
Transcona. Hann lauk doktorsprófi í heimspeki við háskólann í New
Brunswick og hefur síðan verið prófessor í ensku við St. John's Col-
lege í Manitobaháskóla. Hann hefur gefið út nokkrar ljóðabækur og
smásagnasöfn, þar á meðal Marsh Burning og Skrag (ljóð), 50 Stories
and a Piece of Advice og The Circus Performers' Bar (sögur). A
níunda áratugnum kom út eftir hann safnið The Happiest Man in the
World and Other Stories og tvö leikrit eftir hann voru færð upp í
Winnipeg. - Afi hans og amma voru Arni Oddsson úr Þingeyjarsýslu
og Guðrún Jónsdóttir úr Eyjafirði en þau fluttust frá Islandi til
Kanada 1876. Afi hans og amma í hina ættina voru Jóhann Árnason
og Dóróthea Soffía Abrahamsdóttir, bæði úr Eyjafirði.
Martha Brooks (f. 1944) ólst upp í suðvestanverðu Manitobafylki á
berklahælinu Manitoba Sanatorium þar sem faðir hennar var yfir-
læknir. Hún hefur fengist við skriftir undanfarinn aldarfjórðung. Þrjú
af leikritum hennar hafa verið sviðsett af Prairie Theatre Exchange í
Winnipeg og íjórða leikritið, Andrew’s Tree, af Theatre Direct í
Toronto. Meðal bóka hennar má nefna A Hill for Looking og Paradise
Café and Other Stories. Síðarnefnda bókin kom út í tveimur upp-
lögum og var tilnefnd til Landstjóraverðlauna ætluðum ungum
skáldsagnahöfundum 1988 og til verðlauna sem nefnast McNally-
Robinson Manitoba Book of the Year Award. Hún kennir ritlist við
ýmsa skóla í Manitoba. - Afi hennar, Runólfur Magnússon, og amma
hennar, Ingunn Bardal, voru bæði fædd á Islandi.
Kristjana Gunnars fæddist í Reykjavík 1948, fluttist til Bandaríkj-
anna árið 1964 ásamt foreldrum sínum, dr. Gunnari Böðvarssyni og
Tove konu hans, og settist að í Kanada 1969. Hún bjó í Vancouver og
Toronto, en lengst af í Manitoba og Saskatchewan. Hún hóf háskóla-
nám í Oregon og lauk því í Saskatchewan og Manitoba. Hún hefur
birt sjö ljóðabækur, smásagnasafn og tvær þýðingar. Hún hefur
sömuleiðis ritstýrt tveimur safnritum. Meðal síðustu bóka hennar
eru skáldsagan The Prowler (1988); bókin um dauða föður hennar,
Zero Hour (1991); endurminningabókin The Substance of Forgetting
(1992) og ljóðabækurnar Carnival ofLonging (1989) og Exiles Among
You (1996). Kristjana hefur verið „Writer in Residence" við háskól-
ann í Regínu í Saskatchewan og Albertaháskóla í Edmonton, þar sem
hún er nú prófessor í bókmenntum.
d Aföœykiá - HVAT? TALA THU ISLENZKU?
117