Ritröð Guðfræðistofnunar - 01.01.2011, Side 99

Sólveig Anna Bóasdóttir, Háskóla íslands
Ábyrg og réttlát viðbrögð
gagnvart þolendum kynferðisofbeldis
Guðfræðilegt og siðfræðilegt sjónarhorn
Víða um heim hefur kristin kirkja þurft að horfast í augu við þá staðreynd
að starfsfólk hennar hefur beitt skjólstæðinga sína kynferðislegu ofbeldi
og á þetta jafnt við hér á landi sem erlendis. A kirkjuþingi íslensku þjóð-
kirkjunnar haustið 2010 var sett á laggir rannsóknarnefnd til að rannsaka
starfshætti og viðbrögð þjóðkirkjunnar vegna ásakana á hendur fyrrverandi
biskupi Islands, Ólafi Skúlasyni, um kynferðisbrot. Hlutverk nefndarinnar
var að leggja mat á „hvort um mistök, vanrækslu eða vísvitandi þöggun
eða tilraun til þöggunar hafi verið að ræða af hálfu vígðra þjóna og starfs-
manna kirkjunnar ... eftir að ásakanir um kynferðisbrot voru komnar
fram og hverjir kunni að bera ábyrgð á því.“' I júní árið 2011 var skýrsla
rannsóknarnefndarinnar afhent kirkjuþingi.1 2 Viðbrögð kirkjuþingsins fólust
m.a. í því að kjósa fimm manna nefnd úr hópi kirkjuþingsfulltrúa til að
undirbúa úrbætur á þessu sviði fyrir komandi kirkjuþing að hausti. Nefnd
þessari ber að hafa sérstaka hliðsjón af þeim tillögum sem fram eru settar í
skýrslu rannsóknarnefndar kirkjuþings og leita sér jafnframt sérfræðilegrar
aðstoðar eftir því sem þörf er á.3 Erindi þessarar greinar varðar ekki innihald
skýrslu rannsóknarnefndarinnar í sjálfu sér, heldur fremur þær spurningar
sem vakna við lestur hennar varðandi hvaða úrbætur þurfi að verða innan
kirkjunnar.
1 Sjá frétt um markmið nefndarinnar á vefslóðinni: http://kirkjuþing.is/frett7136.
2 Sjá rannsóknarskýrsluna í heild á vefslóðinni: http://kirkjan.is/kerfi/skraarsofn/
kirkjan-frettir/2011/06/skyrsla-rannsoknarnefndar-kirkjuthings.pdf
3 Sjá nánar ályktun kirkjuþings frá 14. júní 2011 á vefslóðinni: http://kirkjan.is/2011/06/
thingsalyktun-um-vidbrogd-vid-nidurstodum-rannsoknarnefndar-kirkjuthings-samthykkt/
97
L