Ritröð Guðfræðistofnunar - 01.01.2011, Side 117

augnablikið verður ekki aðskilið. Lögstrup segir þessa kröfu koma skýrt
fram í boðskap Jesú um að Guð krefjist hins sama af mönnum og hann
gefi þeim, nefnilega óendanlegan kærleika og umhyggju fyrir sérhverri
manneskju. Jesús varist hins vegar að vísa til viðtekinna siða, laga og reglna
í kærleiksgjörðum sínum og það skyldi kristið fólk einnig gera. Hinni
róttæku kröfu siðferðisins sé ekki hægt að umbreyta í guðlega og fullkomna
þekkingu, segir Lögstrup, heldur sé hún bundin við hinar einstöku aðstæður
og augnablik mannlífsins þegar manneskja mætir annarri manneskju.51
Spurningin sem verið hefur til umræðu hér um hvort og hvenær sé rétt að
fyrirgefa geranda kynferðislegs ofbeldis tel ég að enginn geti í raun svarað
nema manneskjan sem í hlut á við þessar aðstæður. Lögstrup og Fortune
eru að mínu mati sammála um að sérhver manneskja verði að komast að því
sjálf hvað hún vill og hvers hún sé megnug í þeim efnum. Fyrirgefning er
því háð aðstæðunum sem viðkomandi er í. Þær aðstæður eru alltaf einstakar
vegna þess að sérhver manneskja er einstök og reynsla hennar og upplifun
einnig. Hvort og þá hvenær fyrirgefning er möguleg og ákjósanleg ræðst
því ekki af ytri skilyrðum og forsendum heldur af aðstæðunum. Eg vil því
að lokum taka undir með Fortune sem vill ekki útiloka möguleikann á
fyrirgefningu og telur að hún geti verið lokapunktur í bataferli þeirra sem
þolað hafa kynferðislegt ofbeldi en ítreka að það eru aldrei ytri skilyrði eða
annað fólk sem getur ákveður hvort og hvenær fyrirgefning geti átt sér stað
í lífi nokkurrar manneskju: Manneskjan ein getur gert það.
Samantekt
I þessari grein hefur sjónum verið beint að guðfræðilegu og siðfræðilegu
framlagi dr. Marie M. Fortune varðandi spurninguna hvernig kirkjan í
sálgæslustarfi sínu geti komið til móts við þolendur kynferðislegs ofbeldis
á kærleiksríkan og réttlátan hátt. Framlag Fortune er margþætt. Fyrst má
nefna hinn styrka biblíulega og siðfræðilega grundvöll sem hún leggur
undir alla túlkun sína varðandi réttlát og ábyrg viðbrögð kirkjunnar sem
kemur glöggt fram í allri umfjöllun hennar um kynferðislegt ofbeldi sem
synd og réttlát viðbrögð við þeirri synd. Synd og réttlæti eru og meginmál
þessarar greinar. I umfjöllun Fortune um synd og réttlæti leikur fjöldi
texta Nýja testamentisins og túlkun hennar á Immanúel Kant stórt hlut-
verk. Syndahugtak hennar er hlaðið bæði guðfræðilegri og siðfræðilegri
51 Lögstrup, K.E. Den etiske fordring, bls.125-132.
115