Breiðfirðingur - 01.04.1982, Qupperneq 11

BREIÐFIRÐINGUR
9
Stykkishólmi varðar, þá var það kringum 1929, að Páll V.
Bjarnason, sýslumaður í Stykkishólmi, vakti máls á því, hvort
kaþólskar nunnur mundu vera fáanlegar til þess að byggja og
reka sjúkrahús þar (eins og þær höfðu þegar haft frumkvæði að í
Reykjavík og Hafnarfirði). Oscar Clausen og Martin
Meulenberg urðu síðan hinir nauðsynlegu milliliðir, og
starfsemin hófst með leyfí heilbrigðisyfírvaldanna 7 árum síðar.
Og þarna eru þær staddar, St.Franciskussystur, framandi
konur í gráum pilsum með kassalaga höfuðbúnað, - tilbúnar til
þjónustu í fátækt og auðmýkt eins og heilagur Frans mörgum
öldum fyrr, eins og tugþúsundir manna og kvenna sem höfðu
heillast af fordæmi hans og lífsviðhorfi. Þær sjá heiminn eins og
Frans, sem spegil, er speglar vald, visku og gæsku Guðs. Og það
fór líkt og í sögu heilags Frans frá Assisi, sem flestum þótti
heldur kyndugur guðsmaður í fyrstu, en náði undraverðum
árangri frá byrjun - að hinar útlendu, brosmildu konur í
klaustrinu í Stykkishólmi náðu til fólksins með framkomu sinni
og starfí. Þær eru nú þjóðkunnar og meir en það, því
heimildarkvikmynd sú, er íslenska sjónvarpið lét gera um þær
hefur vakið athygli hvarvetna erlendis.
Sjúkrahúsið í byggingu