Breiðfirðingur - 01.04.1982, Qupperneq 54

52 BREIÐFIRÐINGUR
(sama aðferð og notuð var í Irlandi og Norður-írland sýpur nú
seyðið af), hafa Barreyingar haldið trú sinni allt til þessa.
Árið 1829 fengu kaþólskir menn á Bretlandi trúfrelsi og hófu
Barreyingar þá að byggja kirkju í Castlebay, en byggingunni var
lokið 1889. Kirkjan stendur hátt uppi í hlíðinni og er helguð
Guðsmóður, Stjörnu hafsins (Star of the Sea). Fáeinir
mótmælendur eru á eynni og hafa þeir eigið guðshús.
Núverandi ættarhöfðingi Macneilanna er mótmælendatrúar,
því hann var alinn upp hjá móðurfólki sínu í Kanada eftir að
móðir hans dó og faðir hans giftist aftur.
Frá þessari eyju kom Álfdís hin barreyska, en hún giftist Ólafi
feilan, sonarsyni Auðar djúpúðgu og bjó í Hvammi. Af þeim
eru komnar miklar ættir sem sett hafa svip á sögu Islands svo
sem kunnugt er. Um Álfdísi sjálfa er ekkert vitað. Vera má að
hún hafi komið til íslands með frænda sínum Hrolleifi
Einarssyni, Olvissonar, er nam land við Oxará á Þingvöllum og
bjó um tíma í Heiðabæ. Bróðurdóttir hennar, Halldóra
Steinmóðsdóttir, Konálssonar, giftist Eilífí syni Ketils hins
Gamall bær með hálmþaki.